Уйғурлар арисида ' нур бәкригә хәт ' намлиқ ғәзәл тарқалди

Уйғур аптоном райониниң рәиси нур бәкри, қош тиллиқ маарип вә қизлар мәсилиси қатарлиқ бир қатар җиддий мәсилиләрдики иҗраси вә позитсийиси сәвәблик уйғур районидики хәлқниң күчлүк наразилиқиға учримақта. Бу наразилиқлар көп һалларда тор бәтләрдә вә аммивий сорунлардики сөһбәтләрдә әкс әтмәктә.
Мухбиримиз шөһрәт һошур
2009-06-03
Елхәт
Пикир
Share
Принт
Сүрәт, уйғур дийаридики мәлум базарда топлушуп турушқан уйғур ишсиз йашлиридин бир көрүнүш. Хитайниң уйғур аптонум райони рәиси нур бәкри вә уйғур зийалийси илһам тохти
йеқинда айрип һалда уйғур йашлиридики ишсизлиқлар тоғрисида охшимиған қарашлирини оттуриға қойушқан.
Сүрәт, уйғур дийаридики мәлум базарда топлушуп турушқан уйғур ишсиз йашлиридин бир көрүнүш. Хитайниң уйғур аптонум райони рәиси нур бәкри вә уйғур зийалийси илһам тохти йеқинда айрип һалда уйғур йашлиридики ишсизлиқлар тоғрисида охшимиған қарашлирини оттуриға қойушқан.
RFA Photo

Түнүгүн тор бәтләрниң биридә " нур бәкригә хәт" намлиқ бир парчә ғәзәл елан қилинди. Униңда, җәмийәттә нур бәкри һәққидә болуватқан шикайәтләр ихчам шәкилдә баян қилинған.

Нур бәкри тоғрилиқ җәмийәттики инкаслардин мәлум болушичә, көп қисим уйғурлар нөвәттә, нур бәкридин уйғурларниң барлиқ һәқ - һоқуқлириға капаләтлик қилишни күтиватқини йоқ. Пәқәт хитай өзи елан қилған аптономийә қанунида, уйғурларға вә уйғур райониниң рәисигә берилгән һоқуқларни иҗра қилишини күтмәктә.

Мустәқил тәтқиқатчи илһам тохтиниң икки ай алдида радиомизға қилған сөзлири уйғур җәмийитидики әшу хил инкаслардин бир мисалдур.
 
Уйғур көзәткүчиләрниң қаришичә, йәнә бир қисим уйғурларниң нур бәкридин күтиватқини техиму адди: йәни уйғурлар үчүн хизмәт қилалмисиму, зиянкәшлик қилмаслиқ. Һеч болмиғанда, уйғурларниң келәчәк мәнпәтигә дәхли йәткүзидиған сиясәтләрни йолға қоюшта башламчи болмаслиқ. Әмма әқәллий тәләп рәт қилишқа учримақта. Қош тиллиқ маарип нами астида уйғур тилиниң йоқилиш хәвпигә дуч келиши; ешинча әмгәк күчи нами астида уйғур қизлириниң хитайға йөткилиши вә техник хадимлар нами астида, хитай көчмәнлириниң уйғур райониға көпләп еқиши, рәис нур бәкри дәвригә аит болған иҗралардур.

Қазақистанға тиҗарәт үчүн чиққан бир уйғур тиҗарәтчи радиомизға қилған сөзидә нур бәкри вә униң иҗралири һәққидә тохтилиду.
 
Нур бәкри нутуқлириниң көп қисми аталмиш үч хил күчләргә қарши тимиға мәркәзләшмәктә. Униң бу йил бейҗиңда ечилған икки йиғин мәзгилидә 3 хил күчләргә қарши қилған сөзи ваң лечүәнниңкидинму кәскин тонда болуп, бу сөзләр хәлқара мәтбуатларда һазирға аәдәр нәқил елинмақта.

Нур бәкри уйғурбиз тор бетидә 2 ‏ айниң алдида тәнқидкә учриған иди. Узун өтмәй уйғурбиз то рбети тақиветилди. Уйғур көзәткүчиләр тақаш буйруқини нур бәкриниң чүшүргәнликини тәхмин қилишмақта. Әмма юқириқи ғәзәл хәлқниң садасини тақаш вә боғуш билән тосувалғили болмайдиғанлиқини испатлимақта.


Пикирләр (0)
Share
Толуқ бәт