Үзүлмәс тар


2004.12.20

Нурмуһәммәт турсун орунлишидики музикилардин

Соғуқ дүшәнбә .... Шәнбә кәчтин башлап яққан апақ қар үрүмчини һаза тутиватқандәк түскә киргүзүп қойған....

Кепәндәк апақ қар басқан йолда, еғир қәдәмләр билән тавут көтүргән мусибәтлик җамаәт сепи, өлүм игисиниң кимликини билгән йолдикиләрниң тохтимай үн-түнсиз қетилиши билән барғанчә чоңийип баратти ....

ntusun.gif
Мәрһум нурмуһәммәт турсун

Гайилар, "бу тәмбүрчи нури турсунниң мейити икән" дигәнни аңлапла орнида тохтап қелишти . Һәқиқәтән, өмрини тәмбүргә, уйғур сәнитигә беғишлиған маһарәтлик , талантлиқ сазәндә нури турсунниң туюқсиз өлүм хәвири һәммини ечиндүрди, һәммини һәсрәткә салди .

Уйғур хәлқ аһаңлирини йүксәк маһарәт билән орунлап , хәлқниң қәлбидә чоңқур тәсир қозғиған сәнәткар нурмуһәммәт турсун , уйғур музика сәнитигә болған сөйгүсини талант һәм маһарәтлирини хәлққә көрсүтүш үчүн үч йил бурун нурғун үмидләр билән өзиниң сәнәт кечиликини өткүзгән иди. Бирақ, сәһнидә бу маһарәт игисигә беғишлап оқулған "қанға боялған нахул" намлиқ шиерниң тамашибинлар йүрикидә һаяҗан қозғиғанлиқи сәвәби билән, бу күн, бу сазәндә үчүн қараңғу күнләрниң башлиниши болди, шундин етибарән бу талант игисиниң ғурури, роһи пухчуланди, җисмини сиясий бесим, турмуш қайғуси басти, атақлиқ бир музикант болушла әмәс яхши бир ата һәм бир лаяқәтлик әр болуш үчүн у тинмай тиришти. Та әң ахирқи тиниқлириғичә.... .

Мәрһумниң тәвәрүк тәмбүрини қучағлап йиғлап авази пүткән, мәрһумниң 24 йиллиқ қәдинас аяли шәмшиқәмәр һәдә, мәрһүмниң арманлирини шундақ баян қилди…………

Мухбиримиз гүлчәһрәниң мәрһум нурмуһәммәт турсунниң аяли шәмшиқәмәр һәдә билән өткүзгән сөһбитини юқиридики аваз улинишидин аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.