Обама америкиниң әлқаидигә қарши урушқа атланғанлиқини җакарлиди

С б с CBS телевизийисиниң хәвиридә баян қилинишичә, америка президенти обама түнүгүн (пәйшәнбә күни) кәчтә ақсарайда 'биз урушқа кирип қалдуқ, биз һазир әлқаидиниң йерақ җайларда юшурунуп йүрүп, 2001‏- йил 11‏- сентәбир күни америкида 3 миңдин артуқ бигуна хәлқни қирғандин кейин, йәнә давамлаштуруватқан қанунсиз һәрикәт ториға қарши урушқа атландуқ. Әмди биз өзимиз халиған шәкил билән зәрбә берип уларни мәғлуп қилимиз' дәп җакарлиди.
Мухбиримиз вәли
2010-01-08
Елхәт
Пикир
Share
Принт
Сүрәт, президент обаманиң роджистива байрими күнидики террорлуқ һуҗумдин кейин, террор мәсилиси тоғрисида нутуқ бериватқан көрүнүши.
Сүрәт, президент обаманиң роджистива байрими күнидики террорлуқ һуҗумдин кейин, террор мәсилиси тоғрисида нутуқ бериватқан көрүнүши.
www.whitehouse.gov Дин елинди.

'Әмди әлқаидичиләрни тинчлиқпәрвәр мусулманлар арисидин қоғлап чиқиришимиз лазим '

Обама түнүгүн әлқаидичиләргә қарши урушқа атланғанлиқини җакарлиғанда, 'бизгә аянки, мусулманларниң көп санлиқи әлқаидичиләрни рәт қилиду. Әмма әлқаидичиләр тинч яшаватқан бигуна хәлқни өлтүрүш үчүн, оттура шәрқтила әмәс, африқида вә башқа җайлардиму, өзиниң террорчи тәшкилатлири арқилиқ, сепигә қатнишишни халайдиған тонулмиған террорчиларни топлап сүйиқәст пиланлап келиватиду. Әмди биз уларни тинчлиқпәрвәр мусулманлар арисидин қоғлап чиқиришимиз лазим' дәп көрсәтти.

Обама сөзидә йәнә, америкиниң бихәтәрлик органлириға буйруқ чүшүрүп, хәлқниң тинч, бихәтәр вә өз ғурори билән яшишиға капаләтлик қилиш үчүн 'йеңи истратегийә қоллиниш лазим,' деди.

Америкиниң ташқи сиясити өзгәрди, буниңдин кейин вашингтонда вә дунядики мунасивәтдашлири арисида америкиниң йеңи авази җараңлайду

Ройтрс агентлиқниң мюнихтин баян қилишичә, муавен президент байден бүгүн германийидә, америкиниң ташқи сиясити өзгәргәнликини җакарлиди. У сөзидә 'буниңдин кейин вашингтонда вә дунядики мунасивәтдашлар арисида америкиниң йеңи авази җараңлайду. Мән бүгүн явропаға буни аңлатқили кәлдим. Буниңдин кейин америка һәрбий күч дипломатийисни күчәйтиду. Америка өзи ишни көпрәк қилиду, шундақла, һәммә иттипақдашлирини йүкни көпрәк үстигә елишқа чақириду. Америка һазир пүтүн дуняниң ярдимигә муһтаҗ, худди пүтүн дуня америкиниң ярдимигә муһтаҗ болғандәк' деди.

Б б с бүгүнки хәвиридә, америкиниң ташқи сияситидә өзгириш болғанлиқини, буниңдин кейин америка дипломатийә җәһәттә нишанлиқ ярәм бериш сиясити қоллинидиғанлиқини баян қилди.

Америкидики һәр қайси учур вастилири, әнгилийидә чиқидиған 'телеграф гезити' қатарлиқ дунядики башқа чоң учур вастилириму бүгүн, америкиниң әлқаидигә қарши урушқа атланғанлиқи, буниңға әгишип америкиниң ташқи сияситиму өзгәргәнлики һәққидә йеңи мулаһизә, обзор вә һәр хил муназириләрни елан қилди.

Хитай бүгүнки баянатида америкини 'хитай билән болған һәрбий җәһәттики ишәнчлик мунасивәтни бузди ' дәп әйиблиди

Франсийә агентлиқиниң баян қилишичә, хитай бүгүн, америкиниң тәйвәнгә йеңи типлиқ илғар башқурулидиған бомба сестимиси сетип беришни тәстиқлиғанлиқини 'америкиниң хитай билән болған һәрбий җәһәттики ишәнчлик мунасивәтни бузғанлиқи' дәп әйибләп, қаттиқ наразилиқ билдүрди.

Хәвәрдә ейтилишичә, хитай мудапиә министирлиқиниң баянатчиси хуаң шөпиң бүгүнки баянатида, америка җорҗи буш һөкүмитиниң пиланлириға варслиқ қилип вә уни җаһиллиқ билән иҗра қилип, тәйвән мәсилисидә хитай билән америка оттурисидики ишәнчлик һәрбий мунасивәтни бузди, дәп җакарлиди.

Ройтрс агентлиқиниң ашкарилишичә, америкиниң тәйвән җәмийити түнүгүн кечидә, америкиниң локт мартин ширкити тәйвәнгә, дәриҗиси өрлитилгән 'вәтәнпәрвәр үч' бәлгилик башқурулидиған бомбиларни атидиған әслиһәлири билән биллә сетип беридиғанлиқини җакарлиған иди.

Хәвәрдә ейтилишичә йәнә, башланғуҗ басқучтики 'вәтәнпәрвәр үч' бәлгилик башқурулидиған бомба сестимисиға үч данә оқ учи қачилинидиған болуп, бу қетим тәйвәнгә берилидиған илғар типлиқ 'вәтәнпәрвәр үч' бәлгилик башқурулидиған бомба сестимисиға 16 оқ учи қачилаш мумкин икән. Бу қетим тәстиланған пилан йәнә, U60 қара лачин бәлгилик илғар тик учар, ET2 бәлгилик алдин сегнал бериш сестимиси, бинәпшә нур қоллинидиған су асти парахоти вә бу бир йүрүш сестимиға мунасип қоманданлиқ шитаб лайиһисини өз ичигә алидикән. 
Пикирләр (1)
Share

Исимсиз оқурмән

ﯪҚ ет көк ет һәммиси охшаш ет ,
Обама сәл ﯪлдирап қиливатиду .Җорҗи бош ﯪﯪғанистаға һуҗум қилғандәк һуҗум қлимән дәп чуҗини хам санаватиду

Jan 08, 2010 10:05 PM

Толуқ бәт