Өлүмгә һөкүм қилинған адил рози һәққидә сөһбәт

Хитай сот мәһкимилири 5 ‏- июл үрүмчи вәқәси йүз бәргәндин кейин вәқәгә мунасивәтлик дәп қаралған уйғурлар үстидин арқа ‏- арқидин сот ечип, муддәтлик яки муддәтсиз қамақ җазаси вә өлүм җазаси берип иҗра қилди.
Мухбиримиз арислан
2010.02.25
Olumge-buyrulghan-Uyghur-305.jpg 2009 ‏- Йили 12 - өктәбир күни, хитай 6 уйғурға өлүм җазаси 1 игә муддәтсиз қамақ җазаси бәргән болуп, сүрәт, шу 7 уйғурниң бири, өлүмгә һөкүм қилинғанларниң қатаридики адил рози исимлик уйғур йашниң сот үстидики сүрити.
AFP Photo

2009 ‏- Йили 10 ‏- айниң 12 ‏- күни үрүмчидә ечилған сотта 6 уйғурни өлүмгә һөкүм қилип бир уйғурни өмүр бойи муддәтсиз қамақ җазасиға һөкүм қилған иди. Шу қетимлиқ сотта өлүмгә һөкүм қилинғанларниң исимлири, абдулкерим абдуваһит, ғени йүсүп, абдуллаһ мәмәттохти, адил рози, нурәли һошур вә алим мәмәтйүсүп қатарлиқлар болуп, өмүр бойи қамақ җазасиға һөкүм қилинған кишиниң исми болса таһирҗан аблимит иди. Сот мәһкимиси буларни адәм өлтүрүш, от қоюш қатарлиқ җинайәтләр билән әйиблигән.

Шу қетим өлүмгә һөкүм қилинғанларниң қатаридики адил рози исимлик уйғур яш, ақсуниң шаяр наһийисидин болуп, биз адил рози һәққидә толуқ мәлуматқа еришиш үчүн униң истанбулда яшаватқан сидиқҗан исимлик дости билән сөһбәт елип бардуқ.

Сидиқҗан бизгә адил розиниң қисқичә һаяти һәққидә сөзләп, униң есил әхлақлиқ, кәмтәр, кишиләргә яманлиқ қилишни халимайдиған, яхши нийәтлик, тиришчан яш икәнликини сөзләп бәрди.

Юқиридики аваз улинишидин, адил рози тоғрисида сидиқҗан билән елип барған сөһбитимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.