Keshpiyatchi ömerjan ablaning patént hoquqi bulang - talang qilinmaqta

Ömerjan abla 2000 ‏ - yili, " leyleshning aldini élish qapqiqi" dep atilidighan bir eswab ijat qilghan. Bu eswab néfit tekshürüsh gé'ologiye saheside tekshürüsh ünümini %50 yuqiri kötürgendin bashqa, ish waqtini %30 qisqartqan؛ xitayning néfit ishlepchiqirishigha nahayiti zor miqdarda payda qazandurghan؛ muhit asrash jehettimu alahide hesse qoshqan.
Muxbirimiz shöhret hoshur
2009.02.02
u0202-pmx
Anglash Awazni köchürüsh

Emma mana bu keshpiyatning patént sahibi ömerjan nöwette ishsiz we namrat, u hazir béyjingda dawa üstide.

Mezkur eswabning asasliq roli, partlatquch dorilarning partlimay yer asti su üstide leyliwélishining aldini élish bolup, eslide bu mesilini gé'ologiye mutexessisliri yillardin béri hel qilalmay kelgen.

Shunga eyni waqitta, xitayning sabiq bash ministiri ju rongji ömerjan ablaning keshpiyatigha baha bérip, bu keshpiyatning gé'ologiye saheside xelq'arada 3, junggoda 4 boshluqni toldurghanliqini bildürgen. Merkezdiki alaqidar orunlar uninggha 2001 ‏ - yili 11 ‏ - ayning 25 ‏ - küni patént hoquqi bergen.

Xitayning patént hoquqi qanuni buyiche, mezkur eswab keltürgen paydining 30% i patént sahibigha yeni ömerjan ablagha bérilishi kérek. Nöwette mezkur eswab xitayning néfit qédirip - tekshürüsh saheside keng - kölemde qolliniliwatidu, eger ömerjan abla, qanunda belgilen'gini buyiche, tégishlik heqqige érishse, u bügün bir milyonér bolushi kérek؛ emma patént hoquqi uninggha amet emes, apet élip kelgen.

Junggo néfit shirkiti, ömerjan abla heqqide, chet'elge chiqishigha yol qoymasliq, özi we keshpiyatining teshwiq qilinishigha yol qoymasliq, patént hoquqini bashqilargha ötünüp bérishige yol qoymasliq we shinjang néfit tekshürüsh bashqarmisidin bashqa her qandaq orun bilen hemkarlishishigha yol qoymasliq qatarliq töt türlük cheklime qoyghan.

Ömerjan abla ijad qilghan partlatquch dorilarning leyliwélishining aldini élish eswabi nöwette xitaydiki bir zawutta ishlepchiqirilidu. Ten nerxi xitay puligha 10 tiyin؛ sétilish bahasi 7 som 80 tiyin, eswabning yilliq ishlepchiqirish miqdari 140 milyon etrapida. Mana bu, u, ijad qilghan eswabning néfit ishlepchiqirish, muhit we jem'iyet bixeterliki jehettiki paydisidin bashqa, peqetla mezkur eswabning biwaste yaritiwatqan iqtisadiy qimmiti.

Ömerjan abla özining heqqaniy menpe'etini qolgha keltürüsh üchün 8 yildin béri dawa qilmaqta, hélihem béyjingda bu ish üstide, ömerjan abla, öz dawasining nahayiti muhim yerlerge chétilidighanliqini bilidighanliqini, shundaqtimu erzidin waz kechmeydighanliqini bildürmekte.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.