Istanbulda 2 ‏ - nöwetlik osman baturni xatirilesh ilmiy muhakime murasimi ötküzüldi

2009 ‏- Yili 4 - ayning 25 - küni merkizi istanbul shehirige jaylashqan sherqiy türkistan köchmenler jem'iyitining uyushturushi bilen istanbul ‏ zeytinburnu sheherlik hökümetning qazlicheshme medeniyet yighin zalida 2 ‏- qétimliq xelq'ara osman baturni xatirilesh murasimi ötküzüldi.
Muxbirimiz arslan
2009-04-29
Share
osman-batur-57-yili-305 2008 ‏- Yili 5 ‏- ayning 3 ‏- küni sherqiy türkistan köchmenler jemiyitining uyushturushi bilen qehriman tagh qaplini osman baturning wapatining 57 ‏- yilini xatirilesh murasimi ötküzüldi.
RFA Photo

Murasimgha tetqiqatchilar, axbaratchilar, oqutquchi, oqughuchilar we istanbul shehiride yashawatqan Uyghur, qazaqlardin bolup köp sanda kishi qatnashti. Murasimgha yene, istanbulda pa'aliyet qiliwatqan her qaysi sherqiy türkistan ammiwiy teshkilatlirining mes'ullirimu ishtirak qildi.

Murasim osman baturgha we shéhitlerge hörmet bildürüp bir minutluq sükütte turush bilen bashlandi, kéyin istiqlal marshi oquldi, murasimgha istanbul uniwérsitéti til - edebiyat fakultéti tarix bölümining oqutquchisi abduqadir donuk ependi riyasetchilik qildi.

Murasimda türkiyining hajitepe uniwérsitéti tarix bölümining oqutquchisi erkin ekrem ependi, 1949 - yili xitay, sowit ittipaqi we amérika munasiwetliri arisida sherqiy türkistanning ishghal qilinishi dégen témida, enqere uniwérsitéti türk til shiwiliri we edebiyatliri fakultétining oqutquchisi dochant doktur erkin emet, esli yönilishi boyiche sherqiy türkistanning hazirqi weziyiti dégen témida, istanbul uniwérsitéti til ‏ - edebiyat fakultétining tetqiqatchisi ömer qul ependi, toghra meydanidin waz kechmigen batur osman islam oghli dégen témida, qazaqistan ijtima'iy penler akadémyisi tarix institutining tetqiqatchisi ümid atesh ependi, türkistandiki musteqilliq küreshliri, osman batur we sürgünler dégen témida, istanbul uniwérsitéti tarix bölümining oqutquchisi fethi exmet yüksel osman batur dewride türkistan jughrapiyisi dégen témida söz qildi.

Kéyin ösmür balilar osman baturni medhiyilep shé'ir déklamatsiye qildi, naxsha oqidi, kéyin sherqiy türkistan köchmenler jem'iyiti teripidin murasimda söz qilghuchilarni teqdirlep sherqiy türkistan sherep taxtisi teqdim qilindi, murasim nahayiti qizghin keypiyat ichide axirlashti.

Tarix tetqiqatchi ömer qul ependining bildürüshiche, osman batur 1899 - yili altayning köktuqay rayonida dunyagha kelgen. Özining batur jasaretlik rohi bilen tonulghan osman batur pütün hayati boyiche xitaylargha qarshi köresh qilip yashighan, 1951 - yili 2 - ayning 17 ‏- küni kéchide qeyiz dégen rayonda xitay kommunistliri teripidin tutqun qilin'ghan. Musteqilliqqa érishish we dini iradisi boyiche yashash meydanida ching turup 1951 - yili 4 ‏- ayning 29 ‏- küni xitay kommunistliri teripidin urumchide shéhit qilin'ghan.

Biz bu murasimning ehmiyiti heqqide murasimda söz qilghan erkin ekrem ependi bilen söhbet élip barduq.

Yuqiridiki awaz ulinishidin, bu söhbitimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet