ئەنقەرەدە "ئوتتۇرا ئاسىيا شاماللىرى" تېمىسىدا رەسىم كۆرگەزمىسى ئېچىلدى

تۈركىيە باش مىنىستىرلىق تەپتىش ئىدارىسى كادىرى ئەسەر ساقا تۈركىستانلى خانىمنىڭ "ئوتتۇرا ئاسىيا شاماللىرى" ماۋزۇلۇق رەسىم كۆرگەزمىسى تۈركىيىنىڭ پايتەختى ئەنقەرە شەھىرىنىڭ مەركىزىگە جايلاشقان قىزىلئايدىكى مىللىي پىيانگو رەسىم كۆرگەزمىخانىسىدا رەسمىي باشلاندى.
ئىختىيارىي مۇخبىرىمىز ئەركىن تارىم
2010-12-22
Share
eser-saqa-turkistanli-305.jpg ئەسەر ساقا تۈركىستانلى خانىم "ئوتتۇرا ئاسىيا شاماللىرى" رەسىم كۆرگەزمىسىدە سوز قىلدى.ئەنقەرە 2010-يىلى 22-دېكابىر
RFA/Erkin Tarim

ئېچىلىش مۇراسىمىغا تۈركىيە باش مىنىستىرلىق تەپتىش ئىدارىسىنىڭ مەسئۇلى، تۈركمەنىستان، ئۆزبېكىستان، قازاقىستاننىڭ ئەنقەرەدە تۇرۇشلۇق ئەلچىخانا خادىملىرى ۋە ئوتتۇرا ئاسىياغا قىزىقىدىغان ھەۋەسكارلاردىن بولۇپ كۆپ ساندا كىشى قاتناشتى.

ottura-asiya-shamalliri-korgezmisi-305.jpg
ئەنقەرەدە ئېچىلغان "ئوتتۇرا ئاسىيا شاماللىرى" رەسىم كۆرگەزمىسىگە قويۇلغان سۈرەتلەر. 2010-يىلى 22-دېكابى
RFA/Erkin Tarim
بۇ كۆرگەزمىگە، ئەسەر ساقا تۈركىستانلى خانىم قازاقىستان، ئۆزبېكىستان، تۈركمەنىستان ۋە قەشقەردە تارتقان 50 ئەتراپىدا رەسىم قويۇلغان. ئېچىلىش مۇراسىمىدا ئەسەر ساقا تۈركىستانلى خانىم ئۆزىنىڭ شەرقىي تۈركىستاندىن 1930-يىللاردا تۈركىيىگە كېلىپ ئولتۇراقلىشىپ قالغان بىر ئۇيغۇر ئائىلىنىڭ قىزى ئىكەنلىكىنى، دادىسى ۋاپات بولغاندىن كېيىن ئانا يۇرتىنى ئىزدەپ دادىسى تۇغۇلۇپ چوڭ بولغان قەشقەر كوچىلىرىنى رەسىمگە تارتىپ 2007‏-يىلى تۇنجى رەسىم كۆرگەزمىسىنى ئاچقانلىقىنى ئېيتتى.

2010-يىلى ئۆزبېكىستان ۋە تۈركمەنىستانغا بېرىپ كۆپلىگەن رەسىم تارتىپ مەخسۇس كۆرگەزمە ئاچقانلىقىنى، بۇ قېتىم ئۆزبېكىستان، تۈركمەنىستان ۋە شەرقىي تۈركىستاندا تارتقان رەسىملىرىنى كۆرگەزمە قىلغانلىقىنى بۇنىڭدىكى سەۋەب تۈركلەرنىڭ ئانا ۋەتىنى بولغان تۈركىستاندىكى تارىخى جايلارنى ۋە تۈركىستان خەلقىنىڭ سىياسىي، ئىجتىمائىي تۇرمۇشىنى تۈركلەرگە ئاڭلىتىش ئىكەنلىكىنى ئېيتتى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت