Enqerede "ottura asiya shamalliri" témisida resim körgezmisi échildi

Türkiye bash ministirliq teptish idarisi kadiri eser saqa türkistanli xanimning "ottura asiya shamalliri" mawzuluq resim körgezmisi türkiyining paytexti enqere shehirining merkizige jaylashqan qizil'aydiki milliy piyan'go resim körgezmixanisida resmiy bashlandi.
Ixtiyariy muxbirimiz erkin tarim
2010.12.22
Share on WhatsApp
Share on WhatsApp
eser-saqa-turkistanli-305.jpg Eser saqa türkistanli xanim "ottura asiya shamalliri" resim körgezmiside soz qildi.Enqere 2010-yili 22-dékabir
RFA/Erkin Tarim

Échilish murasimigha türkiye bash ministirliq teptish idarisining mes'uli, türkmenistan, özbékistan, qazaqistanning enqerede turushluq elchixana xadimliri we ottura asiyagha qiziqidighan heweskarlardin bolup köp sanda kishi qatnashti.

ottura-asiya-shamalliri-korgezmisi-305.jpg
Enqerede échilghan "ottura asiya shamalliri" resim körgezmisige qoyulghan süretler. 2010-Yili 22-dékabi
RFA/Erkin Tarim
Bu körgezmige, eser saqa türkistanli xanim qazaqistan, özbékistan, türkmenistan we qeshqerde tartqan 50 etrapida resim qoyulghan. Échilish murasimida eser saqa türkistanli xanim özining sherqiy türkistandin 1930-yillarda türkiyige kélip olturaqliship qalghan bir Uyghur a'ilining qizi ikenlikini, dadisi wapat bolghandin kéyin ana yurtini izdep dadisi tughulup chong bolghan qeshqer kochilirini resimge tartip 2007‏-yili tunji resim körgezmisini achqanliqini éytti.

2010-Yili özbékistan we türkmenistan'gha bérip köpligen resim tartip mexsus körgezme achqanliqini, bu qétim özbékistan, türkmenistan we sherqiy türkistanda tartqan resimlirini körgezme qilghanliqini buningdiki seweb türklerning ana wetini bolghan türkistandiki tarixi jaylarni we türkistan xelqining siyasiy, ijtima'iy turmushini türklerge anglitish ikenlikini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.