'Ottura asiya döletliri ara su mesilisi' dégen qandaq mesile?

Qazaqstan qabar agéntliqning bayan qilinishiche, birleshken döletler teshkilati bash katibining ottura asiyada turushluq mudapi'e déplomati4 ‏- ayning 20 ‏- küni ottura asiyadöletliri ara su menbeliridin paydilinish mesilisi buyiche söhbet ötküzüshni teshebbus qilghan.
Muxbirimiz weli
2009.04.28

Su mesilisi söhbetliri

Fransiye agéntliqining bayan qilishiche, bügün qazaqstan, üzbékstan, tajikstan, qirghizstan, türkmenstandin ibaret ottura asiyadiki besh dölet bashliqliri jem bolup, su menbeliridin öz - ara tengshep paydilinish toghrisida birleshme axbarat élan qilishqa tirishti. Bu, xelq'arada aral déngizini qoghdashni meqset qilip 2003 ‏- yili qurulghan xelq'ara fond jem'iyiti da'iriside élip bérilghan tunji qétimliq aliy derijilik uchrishish bolup hésablinidu. Emma bu qétimqi aliy derijilik uchrishishta söhbet nahayiti qéyin boldi. Talash-tartish we ixtilaplar nahayiti jiddiy tüs aldi.

Xewerde teswirlinishiche, qazaqstan bilen üzbékstan ariliqidiki aral déngizi dunya buyiche tötinchi chong ichki déngiz bolup hésablinidu. Emma ottura asiyadiki besh döletning mushu su menbesidin qandaq paydilinish mesilisi sabiq sowét ittipaqi dewridila yaxshi hel qilinmighan mesile idi. Ottura asiyadiki besh döletning bashliqliri bu qétimqi söhbette su menbeliridin öz-ara tengshep paydilinish jehette kélishm imzaliyalmighandin kéyin, ular hazir uchur wastiliridin xali halda yépiq söhbet ötküzüshke bashlidi. Buning netijisi téxi melum emes.

Yershari muhit penliri doktori, hazir amérikida turuwatqan peyzulla zeydin ottura asiyadiki su meslisi we uning kelgüsi heqqide mulahize élan qildi.

Su-ékologiyilik tengpungluqning eng asasi gewdisi

Doktor peyzulla zeydinning bayan qilishiche, su- ékologiyilik tengpungluqning eng asasi gewdisi. Eger suda özgirish kélip chiqsa, pütün ékologiyilik tengpungluqning buzulushini keltürüp chiqiridu. Dunyada qoshna döletler ara su menbesidin paydilinish mesilisini yaxshi hel qilalmighanliqi üchün, chong urush-jidel chiqqan mésallar köp.

Qoshnisining muhit mesilisi emeliyette özining mesilisi

Doktor peyzulla zeydinning qarishiche, gerche ottura asiya döletliri ara su mesiliside herxil ixtilaplar bolsimu, qoshnisining muhit mesilisi, emeliyette özining muhit mesilisi bolghachqa, ular axirqi hésabta kélishim hasil qilalaydu.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.