Өзбекистанниң истанбулдики консулханиси алдида намайиш өткүзүлди

2011-Йили 9-айниң 29-күни өзбекистан хәлқ һәрикити тәшкилати истанбул шөбисиниң уюштуруши билән өзбекистан мунбири нами астида өзбекистанниң истанбулдики консулханиси алдида намайиш өткүзүлди. Намайишқа өзбекистан хәлқ һәрикити тәшкилатиниң истанбул шөбә мәсуллири, кишилик һоқуқни һимайә қилғучи иҗтимаий тәшкилатлар вәкиллири,  өзбек вә түркләрдин болуп көп санда киши қатнашти.

Намайишниң мәқсити 24-сентәбир рупийиниң иваново шәһиридә, өзбекистан хәлқ һәрикитиниң лидәри фуад рустәмһаҗиюфниң сүйиқәсткә учриғанлиқиға наразилиқини ипадиләш икән.

Өзбек вә түркләрдин тәркиб тапқан бир гуруппа намайишчилар, өзбекистанниң истанбул консулханиси алдиға топлинип, өзбекистан дөләт рәиси ислам кәримуфқа қарши шоар товлиди. Намайишчилар бирдәк, әркинлик келиду, диктатор кетиду, дегәнгә охшаш шоар товлиди.

Намайишчилар қоллирида, кәримуф биз һаятла болидикәнмиз, саңа раһәтлик йоқ, инсанийәткә қарши җинайәт ишлигән қатил кәримуф истепа,  кәримуф қатил! дегәнгә охшаш чоң хәтләр йезилған вивиска тахтиларни көтүрүвалған болуп, бәзи намайишчилар  ислам кәримуфниң һәҗвий рәсимлирини көтүргән.

Намайиш җәрянида өзбекистан хәлқ һәрикити тәшкилатиниң норвегийә шөбә башлиқи нурмөмин әпәнди,  фуад рустәмһаҗиюфниң суйиқәсткә учриғанлиқини әйибләп, өзбекистан һөкүмитини тәнқид қилди.

Намайиш җәрянида түркистан өзбекистан һәмкарлиқ мунбириниң баянатчиси адәм чевик әпәнди намайишчиларға вакалитән сөз қилип, өзбекистан хәлқ һәрикитиниң русийәдики башлиқи фуад рустәмһаҗиюфниң өйиниң алдида қораллиқ һуҗумға учрап өлтүрүлгәнликидин өзбекистан дөләт рәиси ислам кәримуфниң җавабкар икәнликини билдүрди вә өзбекистан һөкүмитини әйиблиди.

Кәримуфниң 20 йилдин буян күчини өз мухалиплирини йоқитиш үчүн қолланғанлиқини билдүргән баянатчи адәм чевик әпәнди, кишилик һоқуққа әһмийәт беридиған дөләтләрниң бу вәзийәткә сүкүт қилмаслиқи керәкликини ипадилиди.

Намайиш җәрянида йәнә кишилик һоқуқ мәзлумлар үчүн һәмкарлишиш җәмийитиниң ташқи ишлар мәсули туба сөнмәз ханим сөз қилип, җәмийитиниң, өзбекистан һөкүмити кишилик һоқуқ вә хәлқара қанунға хилап һәрикәт қилғанлиқи үчүн кәримуф һакимийитигә қарши икәнликини билдүрди.

Хәлқ тәрипидин қобул қилинмайдиған лидәрләрниң бәзи әрәб дөләтлиридә йүз бериватқанға охшаш йимирилидиғанлиқини ипадилигән сөнмәзханим, кәримуфниң хәлқара сот мәһкимисидә сотқа тартилиши керәкликини билдүрди.

Намайишчиларниң вәкиллири баянат елан қилғандин кейин өзбекистан хәлқ һәрикити тәшкилатиниң русийәдики башлиқи  фуад рустәмһаҗиюфниң 24-сентәбир күни өйиниң алдида намәлум қораллиқ кишиләр тәрипидин һуҗумға учрап өлтүрүлгәнликигә наразилиқини ипадилигән вә җинайәтниң җавабкарлирини тепип чиқишини тәләп қилған мәктүб өзбекистан консолханисиға тапшурди.

Биз бу намайиш һәққидә техиму көп мәлуматқа еришиш үчүн өзбекистан ислам һәрикитиниң истанбул шөбә башлиқи әлибәй юляхши әпәнди билән сөһбәт елип бардуқ.

Адәм чевик әпәнди мундақ деди: фуад рустәм һаҗиюф, русийә пуқраси болуп бу йил 38 яшқа киргән иди. У өзбекистандики кәримуф риҗимиға қарши алдинқи сәптә актип хизмәт қилип келиватқан кишиләрдин бири болуп, өткән май ейида өзбек мухалиплар тәрипидин қурулған өзбекистан хәлқ һәрикитиниң русийәдики мәсули болуп сайланған.

Фуад рустәмһаҗиюф 24-сентәбир вақти кәч саәт 22:00 әтрапида рупийиниң иваново шәһиридә өйиниң алдида кәримуфниң террорлуқ қилиши билән етип өлтүрүлди. Вәқәни көргүчи шаһитларниң билдүрүшичә, дәсләптә русчидин башқа бир тилда юқири авазлар кейин 4, 5 қетим оқ авази аңланған. Фуад рустәмһаҗиюфниң өзбекчә сөзлишидиған кишиләр тәрипидин етип өлтүрүлгәнлики ашкара болди. Өлтүрүлгән бу яш йигит өзбекистанниң әркинликкә еришиши үчүн ғәйрәт көрситиватқан күрәшчиләр иди. Кәримуф өзигә мухалип чиққан паалийәтчиләргә суйиқәст қиливатиду.