Shangxeyde bir Uyghur ayal saqal tighi bilen bélikini késip hökümetke naraziliq bildürdi

Xitay 2001-yili emgek qanunini yolgha qoyup, oxshash ishta ishlewatqan ishchilargha waqitliq ishchi we dölet ishchisi dégen ayrimichiliq bilen perqliq miqdarda heq bérilishini chekligen.
Muxbirimiz shöhret hoshur
2011.04.20
baosteel-bagang-305.jpg Ürümchi polat zawutining shangxeydiki bash shirkiti.
AFP

Emma xitay qanunining bu adaliti ürümchi polat zawutining Uyghur ishchilirigha nésip bolmighan. Zawuttiki Uyghurlarni asas qilghan 1000 din artuq waqitliq ishchi, zawuttiki xitaylarni asas qilghan nechche minglighan dölet ishchilirigha nisbeten her ayda 1000 yüen etrapida töwen heq alghan. 3 Yildin béri mana bu heqsizliqqa qarshi qanuniy yol bilen dawa qiliwatqan Uyghur ishchi reyhan'gül metréhim, ötken peyshenbe küni polat zawutining shangxeydiki shirket binasining aldida bilikini saqal tighi bilen késip shirket we hökümetke naraziliq bildürdi.

Polat zawutidiki Uyghur ishchilargha, oxshash séxta ishlewatqan xitay ishchilargha nisbeten her ayda 1000 yüen etrapida töwen heq bérilmekte. Bu ehwalning xitayning emgek qanunigha xilap ikenlikini téxi yéqindila bayqighan bir türküm Uyghur ishchilar, zawuttin kem bérilgen ma'ashini toluqlap bérishni telep qilip dawalashmaqta. Bu ishchilarning hésabati boyiche, zawuttiki 1000 din artuq Uyghur ishchining herbirige 100 ming yüen bilen 200 ming yüen arisida tölem bérilishi kérek. Bular 3 yildin béri shirketke telep sunush we sotqa erz qilish yoli bilen dawaliship kelgen. Dewagerlerdin reyhan'gül metréhim nöwette polat zawutining shangxeydiki bash shirkiti bilen dawalashmaqta.

Uyghurlarning béshigha kéliwatqan türlük-tümen qiyinchiliqlar kishilerni türlük shekillerde qarshiliq körsitishke mejburlimaqta. Aldinqi yili ürümchide yüz bergen yingne sanjish weqesi, tünügün qeshqerde yüz bergen yoldin ötkenlerge pichaq tiqip arqidin özini boghuzliwélish weqesi we reyhan'gülning bértiwa bilen bélikini késip qan éqitish arqiliq awazini anglitishqa tirishishi, bir tereptin Uyghur weziyitidiki charisizliqni ipadilise, yene bir tereptin Uyghurlarning tebi'itidiki heq-hoquqtin waz kechmeslikni eks ettürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.