Xitay j x ministiri ming jyenjuni pakistanda saxta Uyghur jama'iti kütüwalghan

Ötken ayning axiri xitay j x ministiri ming jyenju pakistan'gha ziyaretke kelgende, islam'abadtiki xitay elchixanisi elchixanida ming jyenjuni kütüwélish murasimi uyushturghan.
Muxbirimiz shöhret hoshur
2011.10.14
riza-xan-pakistan-xitay muhajirlar-jemiyiti-305.jpg Pakistandiki xitay muhajirlar jem'iyitining bashliqi riza xanning pakistandiki “Iqtisadqa nezer” namliq zhurnalda élan qilin'ghan maqalilirining bir. 2011-Yili féwral.
RFA/Shohret Hoshur

Murasimgha pakistandiki Uyghurlarnimu dewet qilghan we Uyghurlarni murasimgha ekélishni, pakistandiki xitay muhajirlar jem'iyitige tapshurghan. Emma pakistandiki Uyghurlarning köp qismi, murasimgha bérishni ret qilghan. Netijide mezkur jem'iyetning bashliqliri, öz uruq-tughqanliri bilen birlikte bir qisim yerlik pakistanliqlarni Uyghurche kiyindürüp, elchixanigha aparghan. Netijide ministir ming jyenjuni pakistanda saxta Uyghur jama'iti kütüwalghan.

Ömer Uyghur wexpining ashkarilishiche, xitay j x ministiri ming jyenju pakistanni ziyaretke kelgende, islam'abadtiki xitay elchixanisi kütüwélish murasimi ötküzgen. Murasimda xitayche ziyapet bérilip, Uyghurche usullar oynalghan.

Pakistandiki yene bir neper Uyghur mezkur murasimning teshkillinish jeryani, atalmish Uyghur jama'itining qandaq teshkillen'genliki toghrisida melumat berdi.

Pakistandiki özini ashkarilashni xalimighan yene bir Uyghurning bildürüshiche, shu künki murasimgha rawalpindidin 10 gha yéqin kishi, gilgittin 20 din artuq kishi bolup jem'iy 30 etrapida kishi qatnashqan. Bularning yétekchiliridin biri rizaxan isimlik kishi bolup, birqanche ayning aldida ziyaritimizni qobul qilip, özining xitay elchixanisidin pul éliwatqanliqini étirap qilghan.

Melum bolushiche, bu qétim ming jyenjuni kütüwélish üchün saxta Uyghur jama'iti teshkilligen bu kishi, xitay elchixanisi teripidin 4-5 yildin béri Uyghurlar ichidiki jama'et erbabi dep tonulmaqta we xitay muhajirlar jem'iyitining bashliqliqigha teyinlinip xizmetke sélinmaqta. Emma uning milliy kimliki we uning Uyghurlar üchün xizmet qilish niyitining sapliqi pakistandiki mutleq köp sandiki Uyghurlarda guman peyda qilmaqta.

Rizaxanni xitay elchixanisi teripidin yasap chiqilghan saxta jama'et erbabi dep qarighuchilardin yene birimu rad'omizgha uchur berdi.

Yuqiridiki awaz ulinishidin bu programmining tepsilatini anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Oct 17, 2011 10:19 AM

Qarmayda tönügün 10-ayning 17-küni bir ish yüz bériptu , qarighanda Uyghurlar bilen xitay arisidiki toqunush oxshaydu.Ehwalini sürüshtürüp baqsanglar.