Pakistanliq Uyghur ayalning yurti korligha qaytqandin kéyinki ehwali

Ötken yilning béshida pakistandiki bir Uyghur ayal a'ile zorawanliqigha uchrap 4 balisi bilen öyidin qéchishqa mejbur bolghan we yurtigha qaytmaqchi bolghanda xitay konsulxanisining tosqunluqigha uchrighan idi.
Muxbirimiz shöhret hoshur
2011.04.25
pakistan-ayal-305 Pakistandiki 4 balisi bilen öyidin qéchishqa mejburi bolghan Uyghur ayalning perzentliri bilen bille chüshken süriti. (Waqti éniq emes)
RFA Photo

Mezkur ayalning kechmishi axbaratqa ashkarilan'ghandin kéyin, muhajirettiki Uyghur pa'aliyetchilirining himayisige érishken we pa'aliyetchiler teripidin yurti korligha yolgha sélip qoyulghan idi. Muxbirimiz bügün korligha téléfon qilip mezkur ayal we balilirining nöwettiki ehwali heqqide melumat igilidi.

Pakistandiki Uyghur ayal ötken yilning axiri yurti korligha qaytip barghanda, yene bir qatar köngülsiz ehwallardin xewer tapqan. U aldi bilen pakistanliq yoldishining xéro'in etkeschiliki bilen eyiblinip 14 yil késilgenlikini uqqan. Özi chong bolghan Uyghur mehellisini xitay köchmenlirining qaplap ketkenlikini körgen. A'ilisidiki 6 qérindashning tirikchilik üchün korlini tashlap bashqa sheherlerge ketkenliki, achisining hökümet tereptin bérilgen 289 yüen pul yardem puli bilen hayat kechürüwatqanliqigha shahit bolghan. U nöwette 4 balisi bilen ene ashu hökümettin yardem élip yashawatqan achisining himayiside yashimaqta.

Bir pakistanliqqa toy qilish bilen béshigha pakistanda bir qatar awarichilikler kelgen bu Uyghur ayal asiye qurban, yurtigha qaytqandin kéyinmu, yuqiriqigha oxshash yene bir qatar ongushsizliqlargha duch kelgen. Melumki, ongushsizliq dunyaning neride körülse-körülsun u ongushsizliqtur؛ emma u oxshash ongushsizliqni ana zémin'gha dessep turup, öz xelqining baghrida yashap turup tartishning chet'elde yashap turup tartqan'gha qarighanda nechche 10 hesse yenggil toxtaydighanliqini namayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.