Palaw arilidiki Uyghurlarning turmushi kapaletke ige qilindi

Süret, palaw prézidénti jonson toribongning ötken jüme küni dunya uyghur qurultiyi wekilliri bilen ötküzgen dostluq söhbitidin bir körünüsh bolup, söhbetke dunya uyghur qurultiyi wekili ilshat hesen ependi, awstraliye uyghur jemiyitining reisi memtimin ela ependi we amérikining palawdiki uyghurlarni orunlashturush ishigha mesul xadimi Tedd Glen ependiler ishtrak qilghan.

Gu'am arilida chiqidighan gu'am xewer tor bétida, palaw prézidénti johnson toribi'ongning, güentanamoda tutup turulghan we yéqinda palawgha orunlashturulghan 6 Uyghurning ehwali toghrisida muxbirning ziyaritini qobul qilip, éytqan sözliri élan qilin'ghan bolup, prézidént johnson sabiq 6 Uyghur mehbusining palaw arilida nahayiti yaxshi yashawatqanliqini we palaw jem'iyitige yéqindin maslishiwatqanliqini bildurgen.

Prézidént johnson yene, palawgha orunlashturulghan 6 Uyghurning palaw jem'iyitige tamamen maslishishi uchun ularning salametlikini tekshürüsh, turalghu öyge orunlashturushqa oxshash her xil éhtiyajlirining kapaletke ige qilin'ghanliqini bildürgen.

Palaw prézidénti muxbirgha yene, ularning türlük telim-terbiye programmilirigha qatnishidighanliqini sözlep mundaq dégen: "ular bizge oxshashla iken, palawgha yétip kelgendin kéyin saqallirini élip jem'iyetke ariliship ketti, bezide bu Uyghurlarni yerliklerdin perqlendürelmey qalisiz, men ularning én'gliz tili, tarix we bizning xelqimizning medeniyitini uginishi uchun, ularni palawdiki ijtima'i aliy téxnikomlirida oqushqa orunlashturush ishini teshebbus qiliwatimen."

Biz palawdiki Uyghurlarning hazirqi ehwali toghrisida téximu tepsiliy melumat élish üchün, ulargha terjimanliq qiliwatqan, awistraliye Uyghur jem'iyitining re'isi memtimin ela ependini ziyaret qilduq.

Yuqiridiki awaz ulinishidin, bu heqtiki melumatimizning tepsilatini anglaysiler.