Exmet duran bulut tashqi ishlar ministiridin sherqiy türkistan mesilisi heqqide so'al soridi

Türkiye parlamént ezasi exmet duran bulut ependi türkiye tashqi ishlar ministiri exmet dawutoghlugha mexsus xet yézip, xitay hökümitining sherqiy türkistan xelqige élip bériwatqan bésim siyasiti heqqide so'al soridi.
Ixtiyariy muxbirimiz erkin tarim
2011.12.27
Share on WhatsApp
Share on WhatsApp
ahmet-duran-bulut-305.jpg Parlamént ezasi exmet duran bulut ependi. 2011-Yili dékabir, türkiye.
RFA/Erkin Tarim

Türkiye milletchi heriket partiyisidin kélip chiqqan parlamént ezasi exmet duran bulut ependi xétini mundaq bashlighan:
Sherqiy türkistandiki qérindashlirimizgha xitay élip bériwatqan bésim siyasiti heqqide so'al, türkiye parlaméntigha: töwendiki so'allargha türkiye tashqi ishlar ministiri exmet dawutoghluning jawab bérishini ötünüp soraymiz. Sherqiy türkistan qedimdin tartip türklerning ata wetini bolup kelgen zémin. Emma bügünki künde xitayning ishghali astida. Nurghun qérindashlirimiz öz wetinide zulum astida yashimaqta. Her qandaq bir milletning öz wetinide erkin yashash heqqi barliqi qobul qilin'ghan bügünki künde xitay döliti sherqiy türkistanliqlargha zulum qilmaqta. Yéqindin béri xitay dölitining sherqiy türkistandiki tarixi jaylarni we meschitlerni chéqiwatqanliqi heqqidiki xewerler chiqishqa bashlidi.

  1. Türkiye tashqi ishlar ministirliqi sherqiy türkistanliq qérindashlirimizning mesililirini hel qilish üchün xitay dölitige némilerni dewatidu?
  2. Tashqi ishlar ministirliqimiz sherqiy türkistanliq qérindashlirimizning méli we jénining bixeterlikini qoghdash üchün néme tedbirlerni almaqta?
  3. Heqsizlik bilen tutulup türmige tashlan'ghan kishiler we türmide yétiwatqanlarni qutquzush üchün türkiye tashqi ishlar ministirliqi yol méngiwatamdu?
  4. Xitay dölitining Uyghurlargha élip bériwatqan bésim siyasitini, türmilerdiki ten jazasini toxtitish üchün türkiye tashqi ishlar ministirliqi néme xizmetlerni qilmaqta?

Türkiye tashqi ishlar ministiri exmet dawutoghlugha yézilghan bu xet 6-dékabir küni yézilghan bolup, türkiye qanuni boyiche jawab yézilishi kérek. Bu xetke jawab keldimu? bu xetning Uyghurlar üchün néme paydisi bar? milletchi heriket partiyisi parlamént ezasi exmet duran bulut ependi Uyghurlar heqqide yene néme xizmetlerni qildi? bu heqte melumat élish üchün uning bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.