Пәйзиват наһийисидики қизларни хитай өлкилиригә йөткәш хизмити һәққидә сөһбәт (1)

Биз игилигән мәлуматларға қариғанда, пәйзиват наһийисидә һелиһәм давам етиватқан уйғур қизлирини хитай өлкилиригә йөткәш хизмити, өз қизлирини яқа юртларға әвәтишни халимиған ата ‏ - аниларға һәр хил аваричилиқларни туғдурған болуп, пәйзиват наһийиси тәвәсидики мәлум бир кәнт кадириниң билдүрүшичә, хитай өлкилиригә беришни халимиған қизлар, "һәйдәш хизмити" башланғанда башқа юртларға қечип кетип, бу "хизмәт" сәл пәскойға чүшкәндә юртиға қайтип келидикән.
Мухбиримиз җүмә хәвири
2008.05.22

 Йәрлик һөкүмәт даирилири пәйзиват наһийисидә қизларни хитай өлкилиригә йөткәш хизмитини тосқунсиз давамлаштуруш үчүн хитай өлкилиридики завутларға берип ишләп кәлмигәнләргә той хети бәрмәслик сияситини бәлгилигән.

Бу кәнт секритариниң билдүрүшичә, өз кәнтидин 2006 - йили 30 адәм, 2007 - йили27 адәм, 2008 - йили 2 адәм барған болуп бу санниң немә үчүн барғанчә азлап кәткәнликиниң сәвәби һәққидә сориған соалимизға җаваб бәргән кәнт секретари, һазир деһқанларниң амал қилип пәрзәнтлирини әвәтмәйдиған болуп қалғанлиқини билдүрди.

У йәнә, өткән бир нәччә йил җәрянида хитай өлкилиригә берип "алданған", "зорлуққа" учриған яки "хорланған" қизларниң бар яки йоқ икәнлики һәққидики қарашларни инкар қилди.

Юқиридики улиништин, силәр уйғур қизлирини хитай өлкилиригә йөткәш хизмити тоғрисида пәйзиват наһийисидики бир кәнт кадири билән өткүзгән сөһбәтниң тәпсилатини аңлайсиләр. Бу сөһбәт хатирисиниң давамини келәр қетимлиқ программимизда аңлитимиз.



Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.