Qaghiliqtiki sirliq ' issiq ötüp kétish ' we ' qorqup kétish ' weqesi

Ötken yili xitayda süt parashuki weqesi yüz bergendin kéyin, yimek-ichmek mehsulatlirining süpiti mesislisi xitayda sezgür bir mesilige aylandi. Chünki süt parashuki weqesi xitaygha zor tijariy ziyan keltürüpla qalmay xitayning ijtima'iy qatlam we siyasiy tüzülmisidiki bir qatar ajizliqlarni ashkarilap qoyghan idi.
Muxbirimiz shohret hoshur
2009-06-23
Share
uyghur-boway-305.jpg Uyghur kochilirining biride kétip barghan uyghur boway.
RFA Photo

Bu qétim qaghiliq nahiyiside yüz bergen bir weqe xitayda yimek - ichmek mehsulatlirining süpiti mesilisidiki sezgürlükni yene bir qétim ashkarilidi.

Weten ichidiki Uyghur tor betliridin biride ashkarilinishiche, qaghiliq nahiyiside 8 neper oqughuchi choka muzdin zeherlinip ölgen, 180 din artuq oqughuchi jiddiy qutquzush bolumide qutquzuwélin'ghan.

Qaghiliq nahiyilik ayallar birleshmisi weqening yüz bergenlikini étirap qildi.

Loq yézisining yéza bashliqi ömer eli weqening yimekliktin zeherlinish weqesi ikenlikini inkar qildi. U peqet weqeni aptapta "issiq ötüp kétish we qorqup kétish weqesi" dep chüshendürdi. Yéziliq partkom sékritari erkin semetmu weqeni peqet "issiq ötüp kétish weqesi" dep chüshendürdi.

Xitay emeldarliri ijtima'iy mesililerni bir terep qilishta, mesilige emeliy tedbir qollinishni emes, mesilini yoshurushni asasliq chare dep qarimaqta. Bu qétim qaghiliqtiki da'iriler otturigha qoyghan ottura mektep oqughuchilirigha issiq ötüp kétish we qorqup kétish weqesi mana bu nuqtidin gumanliq körülmekte. Chünki weqediki bimarlarning késellik alametliri yimektin zeherlinishke yéqin körülmekte.

Biz kéler qétimliq programmimizda, weqening issiq ötüp kétish yaki yimektin zeherlinish ikenlikige a'it kespiy mutexessislerning qarashlirini anglitimiz.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet