Pelek shahi adil hoshur qanas köli üstidin ötmekchi

Pelek shahi adil hoshurning ghelibidin kéyinki tentenisi.

A'ilisining 450 yilliq dawaz tarixigha ige bolushi tüpeyli dawaz maharitini özide pishshiq mujessemleshtürgen adil hoshur, 5 qétim dunya jinis rékorti yaritip, Uyghur dawaz medenyitini pütkül jahan'gha namayen qildi.

Hazir dunya jama'etchiliki pelek shahining bir Uyghur ikenlikini tonuydu. Adil hoshur ilgiri uzunluqi 1399 métirliq simdin ongushluq ötken bolup, bu qétim u méngip ötmekchi bolghan polat simning uzunluqi bolsa 1530 métirgha, igizliki 250 métirgha yétidiken.

Biz adil hoshur ependining bir mezgil ara bergendin kéyin, yéngi élip barmaqchi bolghan bu pa'aliyiti heqqide radi'o anglighuchilargha tepsiliy melumat bérish üchün uninggha téléfun urduq. Ziyaritimizni qobul qilghan adil ependi qanas kölide élip baridighan dawaz maharitining, sun'iy hemrah arqiliq 33 döletke neq meydandin tarqitilidighanliqini bildürdi. U yene 5 ‏- iyul küni sim üstidin ötüp bolghandin kéyinki tesiratini anglitish üchün ziyaritimizni kütidighanliqini bildürdi.

Yuqiridiki awaz ulinishidin, adil hoshur bilen élip barghan bu söhbet xatirisining tepsilatini anglaysiler.