Qarimayda ikki minggha yéqin Uyghur perishan halette

5 - Iyul weqesidin kéyin, ürümchide yüz bergen Uyghurlar topliship olturaqlashqan mehelililerni chéqish dolquni qarimaygha yétip kelgen. Nowette qarimay shehirining dashigo we shidago dep atilidighan ikki jayidiki Uyghurlar mehellisi chéqilmaqta. Bu ikki mehellidiki Uyghurlar qarimay shehiride yaymichiliq qilip, yémek - ichmek tijariti bilen kün kechürüwatqan Uyghurlar idi.
Muxbirimiz shöhret hoshur
2010-07-21
Share

Qarimayning yer kölimi 9500 kuwadirat kilométir, nopusi 290 ming؛ nopusning 78% i xitay, 13% i Uyghur. Yeni qarimayda 226 ming xitay,30 minggha yéqin Uyghur yashaydu. Mana bularning ichidiki 2000gha yéqin nopus, qarimayda, baqqalchiliq, köktatchiliq we qassapliq tijariti bilen shughulliniwatqan Uyghurlar. Melum bolushiche, nöwette mana bu Uyghurlar olturaqlashqan meheller chéqilmaqta, ular qarimaydin kétishke mejburlanmaqta؛ téximu muhimi tirikchilik yolidin ayrilmaqta.

Biz bu ehwalni éniqlash üchün qaramay sheherlik hökümetke téléfon qilduq.

Nöwette ikki Uyghur mehellisini buzush we bu yerdiki tarqaqlashturush pilanini sheherlik siyasiy - qanun komitéti ijra qilmaqta. Herikette aldinqi septe wezipe ötewatqan kishi mehemmedjan isimlik saqchi xadimi bolup, u weqening jeryani heqqide melumat bildürdi.

Hörmetlik radi'o anglighuchilar, 5 - iyul weqesidin kéyin, xitay hökümiti, ürümchidiki Uyghurlar merkezlik olturaqlashqan mehellilerni sezgür mehelliler dep atighan we we mezkur mehellilerni ürümchining muqimliqigha tehdit dep qarap, bu jaydiki Uyghurlarni tarqaqlashturush üchün heriketke ötken. 5 - Iyul weqesidin kéyin, qarimayda, xitaygha qarshi heriketlerning bolghan - bolmighanliqi hazirche melum emes. Emma, xitayning qarimaydiki bu ikki Uyghur mehellisini qarimayning muqimliqigha tehdit dep qarawatqanliqi melum bolmaqta.

Yuqiridiki ulinishtin bu progirammining tepsilatini anglighaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.