Qazaqistanliq Uyghurlar roza héytini kélechekke chong ümidte kütüwaldi

30-Awghust küni qazaqistandiki Uyghurlar pütkül dunyaning musulman ehli bilen birlikte roza héyt bayrimini kütüwaldi.
Ixtiyariy muxbirimiz oyghan
2011.08.31
Istanbulda-Roza-Heyt-305.jpg Süret, sherqiy türkistan wexpi we sherqiy türkistan maarip we hemkarliq jemiyitining birlikte uyushturushi bilen 2009 ‏- yili 9 ‏‏- ayning 21 ‏- küni sherqiy türkistan wexpide ötküzülgen roza héytni tebriklesh murasimidin bir körünüsh.
RFA Photo / Arslan

Roza héyt we shuninggha oxshash diniy bayramlar we en'eniler ilgiri, yeni kommunistik sowét hakimiyiti dewride qattiq cheklen'gen bolup, bu en'enilerge emel qilghanlar bolsa hökümet teripidin teqib qilinip kelgen idi. Shundaqtimu béziler roza tutush, namaz ötesh oxshash diniy xasiyetlerni yoshurun türde yürgüzüp kelgen. Hazir, yeni ottura asiya döletliride, shu jümlidin musteqil qazaqistanda olturaqlashqan köp sandiki Uyghurlar islam dinidiki öz ejdadlirining en'enilirini saqlashta hem ularni atap ötüshte erkinchilikke ige boldi.

Almata shehiridiki Uyghurlar köp jaylashqan sultan qorghan, zarya wostoka, gorniy gigant, dostluq qatarliq mehellilerning meschitliride oqulghan héyt namizidin kéyin xelq, yashlar tügep ketken ata-anilirining, uruq-tughqanlirining, dost-buraderlirining, yurtdashlirining qebrige bérip, ularning rohigha atap qur'an oqudi. Diqqetke sazawer nerse shuki, köpligen musulmanlar bu bayramni xush keypiyatta, xatirjemlikte ötküzüwatqan bolsa, Uyghurlar yenila özlirining tarixiy wetinide siyasiy bésimlar, diniy cheklimiler astida yashawatqan hem öz izgü niyetlirini ochuq izhar qilishtin mehrum boluwatqan, ötmüshte islam dinining merkiziy asiyagha tarqilish merkizi bolghan Uyghur élidiki qérindashliridin ensirimekte, shundaqla öz du'alirida erkinlik, kishilik hoquqliri üchün küresh yolida shéhit bolghanlarghimu hörmet bildürmekte.

Radi'omiz ziyaritini qobul qilghan dostluq mehellisining yurt mötiwerliridin biri mehemmetjan aka qadirof roza héyt munasiwiti bilen öz tileklirini izhar qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.