Қазақистанда ойғанған уйғур роһи (3)

Қазақистандики уйғурларниң - 5 июл үрүмчи вәқәсидин кейинки миллий ойғиниши сүпитидә, бултур 10 ‏- айда шәвкәт тиятири уюштурған уйғур вәтәнпәрвәрлик сәнәт кечилики, қазақистандики уйғур тамашибинлардин башқа мәзкур кечиликни тор бәтләр, DVD арқилиқ тамаша қилишқа муйәссәр болған һәр бир уйғурни зор һаяҗанға салмақта.
Мухбиримиз гүлчеһрә
2010-08-25
Share
Nime-qilduq-weten-uchun-naxsha-305 Сүрәт, 5 - ийул вәқәсидин кейин йәни 2009 - йили өктәбирдә, алматада шәвкәт тийатири тәрипидин сәһнигә елип чиқилған "хуш кәйпийат" сәнәт кечиликидә "немә қилдиң вәтән үчүн" ни орунлиған йаш нахшичи адилә зәйниабдулниң сәһнидики көрүнүши.
http://www.azatliq.net Дин елинди.

Мәзкур вәтәнпәрвәрлик сәнәт кечилики Көпчиликкә естетик зоқ беғишлапла қалмай, уларниң вәтәнпәрвәрлик миллий роһини урғутмақта.

Пүтүнләй яш һәм сәбий йеңи бир әвлад уйғур талат игилири намаян болған, сап уйғур тил вә сәнити арқилиқ уйғур миллий роһи, күчлүк вәтәнпәрвәрлик, инақлиқ, үмид вә ишәнч әкс әткән қазақистан шәвкәт тиятириниң 9 ‏- нөвәтлик, мәхсус 5 ‏- июл үрүмчи қирғинчилиқиға беғишланған вәтәнпәрвәрлик сәнәт кечилики уйғурларни һаяҗанға салмақта.
 
Мәзкур кечиликни нәқ мәйданда көргән қазақистандики тамашибинлардин, алматадики пидагогика университетиниң дотсенти арслан уйғур әпәнди, мәзкур кечиликни көргәндин кейинки тәсиратлирини баян қилди.

Қазақистандики уйғурларниң мәзкур вәтәнпәрвәрлик сәнәт кечилики өз нөвитидә һиҗрәттә яшаватқан уйғурларниң сәнәттин чаңқиған қәлбигә бәәйни чаңқиған тупраққа су сәпкәндәк зоқ беғишлиған болуп, канадада яшаватқан шаир туйғунҗан абдувәли өз һаяҗинини ипадилиди.

Мәзкур вәтәнпәрвәрлик сәнәт кечиликиниң баш режиссори, шәвкәт тиятириниң мәсули шәвкәт әпәнди вә униң муавини данияр әпәнди шундақла талантлиқ яш шаирә, кечиликниң муәллипи назугумлар, гәрчә тиятирниң һазирқидәк раваҗи асан кәлмигән болсиму, ана тил вә мәдәнийәт сәнитигә болған сөйгү һәм виҗдани бурчиниң түрткиси шундақла тамашибинларниң қоллиши вә һаяҗинидин зор илһам алғанлиқини, мумкин болса уйғур роһини сәнәт арқилиқ дуня сәһнисидә көрситишниң, тиятирдики барлиқ уйғур талант игилириниң ортақ арзуси икәнликини баян қилди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт