Хитай армийиси худди әнгилийә мутәхәссислири дегәндәк қәғәз әҗдиһарму?

Хитай дөләт мудапиә министирлиқи учур - ахбарат идарисиниң башлиқи гең йәншең 4 - айниң 26 - күнидики ахбарат йиғинида, мухбирларниң соаллириға җаваб бәргән, у җаваб бәргән биринчи мәсилә - хитай армийиси қәғәз әҗдиһарму дегән мәсилә.
Мухбиримиз вәли
2012-04-27
Елхәт
Пикир
Share
Принт
Итай һөкүмити ақ ташлиқ китабини елан қилған мәзгилдә, хитай қораллиқ күчлириниң бейҗиң сиртида йиғилған көрүнүш. 2006-Йили 29-декабир.
Итай һөкүмити ақ ташлиқ китабини елан қилған мәзгилдә, хитай қораллиқ күчлириниң бейҗиң сиртида йиғилған көрүнүш. 2006-Йили 29-декабир.
EyePress News

Хитайниң «теңшүн» тор гезитида баян қилинишичә, хитай дөләт мудапиә министирлиқи учур - ахбарат идарисиниң башлиқи, азадлиқ армийиниң пишқәдм колонел дәриҗилик қомандани гең йәншең 4 - айниң 26 - күни мухбирларға, «америка һәрбий мутәхәссислири хитайни филиппингә қарши чәклик уруш қозғиған иди, вейтнамму хитай билән етишип тиркәшкән иди, нәтиҗидә хитай пүтүн сәп буйичә кәйнигә чекинди дәпту; әнгилийә мутәхәссислири болса хитай армийисини, 30 йилдин буян уруш қилип бақмиди, һазир йәнила қәғәз әҗдиһар дәпту; бу гәпләрниң һечқандақ пакити йоқ, хитай һечқачан қошна дөләтләрни хитайға тәң келәләйду дегән көз қарашта әмәс, хитай һазир русийә билән мунасивәтни яхшилаш үчүн, җәнубий деңизда бирләшмә һәрбий мәшқ өткүзүватиду» дәп җакарлиған.

Хитай дөләт мудапиә министирлиқи учур - ахбарат идарисиниң башлиқи гең йәншеңниң «хитай армийиси қәғәз әҗдиһар» дегән көз қараш һәққидики баянатини, хитайниң «с н а» тор гезити, «малийә» тор гезити, «бейҗиң яшлири» тор гезити, «җәнуб» тор гезити қатарлиқ учур вастилири көчүрүп басти. Хоңкоңда чиқидиған «венхуй» тор гезити, америкида чиқидиған «хитайға нәзәр» тор гезити қатарлиқ учур вастилири бу һәқтә обзор елан қилди.

«Хитайға нәзәр» тор гезитиниң язғучиси җав юңчи хитай дөләт мудапиә министирлиқи учур - ахбарат идарисиниң башлиқи гең йәншеңниң, хитай армийиси қәғәз әҗдиһар дегән көз қараш испатсиз гәп дегән көз қаришини төвәндики үч җәһәттин рәт қилди:

«Хитайға нәзәр» тор гезитиниң язғучиси җав юңчиниң қаришичә, хитай армийси өткән әсирдә, һендистан билән чегра мәсилисни һәл қилалмиған «чегра уруши» вә вейтнам биләнки чегра тоқунушини һәл қилалмиған«қоғдиниш уруши»ға қатнашқандин буянқи йерим әсиргә йеқин вақит ичидә һечқандақ заманивий урушқа қатнишип бақмиди. Хитай армийиси һазирму өткән әсирдики хата көз қарашта. Һелиму «мәғлуп болмайдиған дүшмән йоқ», һәтта «һәммә әксийәтчиләр қәғәз йолвас» дәп қуруқ гәп сетип өзини алдайдиған роһи һаләттә. Хитай армийиси йиллардин буян қолида қорал йоқ хәлққә қирғинчилиқ қилалиған билән, хитай «җәнубий тибәт тарихтин буян бизниң земинимиз» дәватқан җайда туруватқан һиндистан қисимлириға, хитай «тарихтин буян бизниң земинимиз» дәватқан аралларда туруватқан филиппин һәрбий парахотлириға, һәтта җәнубий деңиздин хитайни қоғлиған вейтнамғиму инкас қайтуралмиди. Чүнки улар хитайдики қоралсиз хәлқ әмәс, уларниңму қолида қорал бар. Заманимизда қуруқ гәп билән уруш қилғили болмайду. Әң муһими, хәлқ коммунист партийидин җақ тойди, коммунист хитай армийиси башқа дөләт билән уруш қилса, хитай хәлқи уни қоллимайдиғанлиқини билиду.

«Хитайға нәзәр» тор гезитиниң язғучиси җав юңчиниң қаришичә, хитай армийиси қоманданлири черикләшкән - хиянәтчилик патқиқиға петип қалған армийә. 2006 - Йили ашкариланған хитай деңиз армийә қомандани ваң шуйениң 160 милйон юән хиянәт қилған вә шәһванилиқ делоси пәқәт хитай армийисидики чериклик - хиянәтчилик мәсилилириниң бир тамчиси. Хитайдики әң чоң чериклик делолириниң һәрбий қисимларға четилмиғанлири йоқ. Азадлиқ армийә арқа сәп тәминат сиясий комиссари генерал лю юән бу йилқи баһар байрими сәнәт кечиликигә қатнашқан 600 нәпәр генералниң алдида, қандақ чоң қомандан болушидин қәтийнәзәр, һәрбий қисимлардики черик - хиянәтчиләрни тәлтүрүш җазалаштин баш тартмаймән дәп қәсәмяд қилғанлиқи, һәрбий қисимлардики черикликниң нәқәдәр еғир икәнликидин дерәк берәтти.

«Хитайға нәзәр» тор гезитиниң язғучиси җав юңчиниң қаришичә, хитай армийиси һазир «оюн қойидиған армийә» гә айлинип қалди. Һәр қайси қисимларниң өз алдиға қурувалған сәнәт өмәклири бәк чоң, хитай армийисдә артис қомандақ бәк көп. Хитай гүзәл сәнәт җәмийитиниң башлиқи лю давей хитай армийисиниң генерал летинант унванлиқ қомандани. Рәссам җаң давшиң деңиз армийә сиясий бөлүмниң генерал летинант унванлиқ қомандани. Азадлиқ армийә баш сияси бөлүмниң дөләт дәриҗилик артиси пең лиюән хитай армийисиниң генерал летинант унванлиқ қомандани. Азадлиқ армийә сәнәт мәктипиниң усул муәллими лю мей хитай армийисиниң генерал летинант унванлиқ әң яш қомандани. Уйғурлар заманимизда йәнила ишәк миниду дегән номурдин башқини орунлимайдиған усулчи артис керәм абдугул хитай армийисиниң генерал летинант унванлиқ, корпус башлиқи дәриҗилик қомандани.... Сәнәт чолпини қоманданлири бу қәдәр көп хитай армийиси һазир уруш қилидиған әмәс, һәммә ишни пәқәт оюн қоюп һәл қилидиған армийигә айлинип қалди. Уруш болуп қалса, оюн қоюп қуруқ гәп сатидиған «роһи атом бомба» керәккә кәлмәйду. Өзлириму җәңдә оюн қоюп ғәлибә қилиду дегәнгә ишәнмәслики мумкин.

Бүгүн бу мақалә елан қилинған сәһипигә йолланған бирмунчә қисқа обзорлар бар. Униң беридә, адәттә қуруқлуқта адәмләр хадиға бағлап күтүрсә полаңлайдиған қәғәз әҗдиһар, деңизда керәккә кәлмәйду. «Хитайниң армийиси қәғәз әҗдиһар» дегән охшитиш әмәлийәткә уйғун дәп баян қилған.

Пикирләр (0)
Share
Толуқ бәт