Хәлқара урал - алтай қәләмкәшлири йиғини мувәппәқийәтлик ахирлашти

Урал - алтай тиллирида сөзлишидиған қәләмкәшләрниң йиғини 8 ‏ - айниң 25 ‏ - күни түркийиниң истанбул шәһиридә башлинип 29 ‏ - авғуст күни истанбул шәһиридики осман абидиси меһманханисиниң йиғин залида мувәппәқийәтлик ахирлашти.
Мухбиримиз арислан
2009-08-31
Share
Qelemkeshler-jemiyiti-Yighin-zali-305.jpg Түркийиниң истанбул шәһиридә чақирилған "орал ‏- алтай тиллири қәләмкәшләр бирлики" намлиқ йиғин 3 ‏- күнигә қәдәм қойған болуп, сүрәт, йиғин залидин бир көрүнүш.
RFA Photo / Arslan

Йиғинда асаслиқи, кишилик һоқуқ, қәләмкәшләрниң демократик  һәқ ‏ -  һоқуқлири, оттура асиядики оқуш, йезиқчилиқ әркинлики  шундақла пикир әркинлики, йезиқчилиқ принсиплири вә қәләмкәшләрниң мәсулийити тоғрисида музакирә елип берилған һәмдә  2010 ‏ -  йили нурмуһәммәд  ясин йили қилип бекитилгән.   Униң  "ява кәптәр"  намлиқ әсирини хәлқара қәләмкәшләр җәмийитигә әза 156 дөләттики милләтләрниң тиллириға тәрҗимә қилип тарқитиш вә хәлқара қәләмкәшләр җәмийитиниң йетәкчиликидә нурмуһәммәд  ясинни түрмидин азат қилиш үчүн  тиришчанлиқ көрситиш  һәққидә қарар мақулланған.

Йиғинниң күн тәртипи бойичә, 8 ‏ -  айниң 28 ‏ -  күни истанбулниң тарихи орунлири шундақла чәтәллик зиярәтчиләрниң алаһидә қизиқип зиярәт қилидиған, султан әхмәт мәсчити, аясофия музейи, топкапи сарийи қатарлиқ тарихи орунлар зиярәт қилинди. Қәләмкәш зиярәтчиләргә түркийә қәләмкәшләр мәркизиниң башлиқи тариқ әпәнди йетәкчилик қилип,  тарихий орун вә музейлар һәққидә қәләмкәшләргә мәлумат бәрди.

Биз йиғин давам қиливатқан күнләрдә йиғинға бивастә йетәкчилик қиливатқан вә йиғинға қатнишиватқан уйғурлар билән бу йиғин һәққидә сөһбәт елип берилди.

Йиғин ахирлашқанда, йиғинға көзәтчи сүпитидә қатнашқан америка демократийә фонди җәмийитиниң шәрқий асия ишлири дериктори лоийса ханим зияритимизни қобул қилди вә бу қетимқи йиғин һәққидики пикир көз ‏ -  қарашлирини баян қилип мундақ деди: "мән бу бир һәптидин бери "хәлқаралиқ уйғур қәләмкәшләр кулуби" ниң биринчи қетимлиқ қурултийини көзитиш үчүн истанбулда туруватимән. Гәрчә, бу кулуб сан җәһәттин наһайити аз әзалардин тәркиб тапқан болсиму,  әмма улар әзәлдин йүз - туранә учришиш имканийитигә еришәлмигән. "Қәләмкәшләр җәмийити" ниң түзүмлиригә асасән  кәлгүси икки йил үчүн пилан түзүш, демократик бир шәкилдә рәһбәрлик қатлимини сайлап чиқиш үчүн  кәспий әзалиқ учришиши әмәлгә ашурулди вә бүгүн бу хизмәтләр тамамланди. Мән бу, наһайити яш вә кичик тәшкилатни демократик түзүмләргә риайә қилғанлиқи вә өзини пүтүн уйғурлар үчүн сөз әркинликиниң авази сүпитидә қуруп чиққанлиқи үчүн тәбрикләймән. Охшаш  вақитта йәнә бу йеңи, яш вә қурулғиниға 3 йилму болмиған, уйғур қәләмкәшләр җәмийити аллиқачан "урал  -  алтай тиллири һәмкарлиқ қурулуши" дәп аталған бир хәлқаралиқ йиғинға саһибханлиқ қилишқа башлиди һәмдә бишкәк қәләмкәшләр җәмийити, түркийә қәләмкәшләр җәмийити вә хәлқаралиқ қәләмкәшләр ишханиси билән йеқиндин һәмкарлиқ орнатмақта."

Йиғин иштиракчилиридин бир қанчә уйғур қәләмкәшләр йиғинниң ахирлашқанлиқи мунасивити билән зияритимизни қобул қилип бу қетимқи йиғинниң асасий мәзмуни, әһмийити, йиғинда мақулланған қарарлар һәққидә сөзләп бәрди.  

Юқиридики аваз улинишидин, бу сөһбитимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт