Kanada Uyghur jem'iyitining re'isi qéyum mesimuf bir qatar ziyaret we uchrishishlar élip bardi

Kanada Uyghur jem'iyitining re'isi qéyum mesimuf kanadaning béyjingda turushluq yéngi we sabiq bash elchiliri bilen körüshti. U yene kanada albérta ölkisining edminton we kalgari sheherliridiki Uyghurlar we shu sheherlerning öktichi partiye xadimliri bilen söhbette boldi.
Ixtiyariy muxbirimiz gülshen abduqadir
2012-11-22
Élxet
Pikir
Share
Print
Kanada Uyghur jem'iyitining re'isi qéyum mesimof jéyson kénnigha Uyghur doppisi we rabiye qadir xanimning hayati pa'aliyetliri tonushturulghan "Ejdiha bilen élishqan ayal" namliq kitabni sogha qildi. 2012-Yili 29-séntebir, toronto.
Kanada Uyghur jem'iyitining re'isi qéyum mesimof jéyson kénnigha Uyghur doppisi we rabiye qadir xanimning hayati pa'aliyetliri tonushturulghan "Ejdiha bilen élishqan ayal" namliq kitabni sogha qildi. 2012-Yili 29-séntebir, toronto.
RFA/Gulshen

Yéqinda, kanadaning béyjingda turushluq bash elchisi almashqan bolup, eslidiki sabiq elchi wezipisidin ayrilip uning ornigha yéngi elchi teyinlendi. Bu munasiwet bilen kanadadiki xitayda démokratiye namliq teshkilatning künlüki astidiki Uyghur, tibet, falun'gong we xitay démokratik teshkilatlirining rehberliri yéngi bash elchining qobul qilishigha daxil boldi. Bash elchi qéyum mesimuf bilen 2 sa'et etrapida Uyghurlarning hazirqi ehwali heqqide söhbetleshken. Bu gheyriy resmiy uchrishish bolghanliqi üchün qéyum mesimuf söhbetning emeliy mezmunini ashkara élan qilishni xalimaydighanliqini bildürdi.

Yéqinda, kanada asiya ishliri komissiyonining yilliq yighinigha qatnashqan qéyum mesimuf yighin jeryanida kanadaning béyjingda turghan sabiq bash elchisi bilen körüshüp, Uyghurlarning kanadada qandaq siyasiy pa'aliyetlerni élip bérishi kérekliki heqqide qimmetlik teklip pikirlerni alghan.

Kanadaning albérta ölkisi kanadaning iqtisadi jehette eng gülliniwatqan néfit ölkisi bolup, bu ölkining kishi béshi iqtisadi kirimi pütün kanada boyiche aldinqi orunda turidu. Albérta ölkisining edminton we kalgari sheherliridimu bir qisim Uyghurlar yashaydighan bolup, kanadaning bu ikki néfit shehiri kanadadiki Uyghurlar neziride, qaramay we maytagh sheherlirige teqlid qilinidu. 1933-We 1944-yili qeshqerde we ghuljida qurulghan sherqi türkistan jumhuriyetlirining xatire künige ülgürüp edminton we kalgari sheherlirige qarita 2 künlük ziyaret élip barghan qéyum mesimuf kalgari shehiridiki Uyghurlar bilen birlikte sherqi türkistan jumhuriyitining qurulghan künini xatirilidi. Bu ikki sheherdiki Uyghur jama'itini yoqlash we ular bilen qoyuq munasiwet ornitish, qéyum mesimufning saylam riqabiti jeryanida köpchilikke bergen wedilirining biri idi.

Kalgari shehirige qaratqan ziyaret jeryanida qéyum mesimuf, kalgari shehiridiki Uyghur jama'iti bilen birlikte, xelq'ara kechürüm teshkilatining kalgari shöbisidiki xadimlar bilen körüshüp, ulargha Uyghur xelqi nöwette duch kéliwatqan mesililerni anglatqan.

Kanadaning albérta ölkisi yene xitay eng köp meblegh séliwatqan ölkilerning biri bolup, yéqinda xitay 15 milyard dollardin artuq sermaye bilen sétiwélish teklipini otturigha qoyghan nékson néfit shirkiti mushu ölkige jaylashqan. Xitayning kanadaning yer asti bayliqlirini sétiwélishigha qarita bu ölke xelqi we öktichi partiyidiki siyasetchiler qattiq naraziliq bildürüp kéliwatqan bolup, ular xarpér konsérwatip hökümitini kanadaning yer asti bayliqlirini xitaydek bir diktator döletke sétish bilen izchil eyiblep kelmekte. Bu pursetni ching tutqan qéyum mesimuf edménton we kalgari shehirige qaratqan 2 künlük ziyaret jeryanida kalgaridiki öktichi partiye xadimliri bilen körüshüp xitayning köplep meblegh sélishining kélechekte kanadagha élip kélidighan xeterliri heqqide öz köz qarashlirini bildürgen.

Yuqiridiki ulinishtin bu programmining tepsilatini anglighaysiler.

Toluq bet