Уйғур оқутқучи: наһийидин йезиға, йезидин кәнтләргә палиниватимиз...
2012.11.07

Барлиқ мәктәпләрни қош тиллаштуруш қәдиминиң тизлишишиға әгишип уйғур мәктәплиридиму хитай оқутқучилар көпәйтилмәктә. Бу хитай оқутқучиларниң вақитлиқ ярдәм үчүн әмәс, бәлки штатлиқ орунлаштурулуватқанлиқи мәлум.
Уйғур елиниң җәнубидики бир йеза оқутқучиси, йеңидин келиватқан хитай оқутқучиларға штат һазирлаш үчүн, даириләрниң мәктәпләрдә әвлад тәрбийисигә пүтүн зеһнини беғишлап җапалиқ хизмәт қилип келиватқан уйғур оқутқучиларни наһийидин йезиға, йезидин кәнтләрдики мәктәпләргә түрлүк баһанә билән чүшүрүп, ахири дәрс мунбиридин айрилишқа мәҗбур қиливатқанлиқини, һәтта бәзилириниң тәһдитләргә дуч келиватқанлиқини шикайәт қилди.
Исмини ашкарилашни халимиған бу оқутқучи йәнә, оқутқучиларниң дәрдини аңлитиш үчүн, истансимизға еғиз ечишқа тәвәккүл қилғанлиқини тәкитлиди.
Юқиридики аваз улинишидин, уйғур оқутқучиларниң хитайлар билән һәқсиз риқабәткә мәҗбурлиниватқанлиқи һәққидә мухбиримизниң бу оқутқучи билән елип барған сөһбитини аңлиғайсиләр.