Қурбан һейтлиқ саламлар

Дуня мусулманлири мубарәк қурбан һейт байрими өткүзүлүватқан бу минутларда, чәтәлләрдә яшаватқан уйғурларниң қәлбидә һиҗрәт отлири лавулдимақта. Уйғур миллий һәрикитиниң рәһбири рабийә қадир ханим башлиқ бир қисим уйғур мөтивәрлири һейтлиқ саламлирини радиомиз арқилиқ вәтән ичи ‏ - сиртида яшаватқан уйғурларға йоллиди.
Мухбиримиз әқидә
2008-12-09
Share
rabiye-yawropa-305 Сүрәт, рабийә қадир ханим 2007 - йили ийун прагда.
Courtesy of UAA / Rushan Abbas / File Photo

Әссаламу әләйкум муһтәрәм қериндашлар, қурбан һейтиңлар қутлуқ болсун ! бүгүн мусулманлар йилда бир қетим келидиған мубарәк қурбан һейт тәнтәнисигә чөмүлмәктә, һәммигә мәлум болғинидәк, вәтән дәп вәтинидин айрилған ят әлләрдики уйғурлар ушбу минутларни һәсрәт вә сеғиниш илкидә өткүзмәктә. Чүнки улар вәтәнсиз, чүнки улар әзиз қериндашлиридин, меһрибан ата ‏ - анилиридин бәкму йирақта - йирақта.

Гәрчә чәтәлләрдә һиҗрәттә яшаватқан уйғурлар, қәвм - қериндаш, әл - җамаәт, дост ‏ - ярәнләр җәм болидиған ушбу мубарәк пәйитләргә, улар билән ортақлишалмисиму, уларниң қәлби вәтән, хәлқигә тәлпүнмәктә. Улар чоңқур саламлирини телефон вә радио долқунлири арқилиқ сирдашлириға йәткүзмәктә.

Муһтәрәм оқурмәнләр, уйғурлар тәрипидин " уйғурларниң аниси " дәп тәриплиниватқан уйғур милли һәрикитиниң рәһбири рабийә қадир ханим, һиҗрәттики барлиқ уйғурларниң мәнивий аниси болуп, у өзиниң җанлиқ паалийәтлири арқилиқ уйғурларға анилиқ меһрини йәткүзмәктә, уйғурларниң сиясий әркинлики үчүн кечә - күндүз күрәш қилмақта. Әмма униң әзиз йүрәк парилири вәтәндә анисизлиқ һәсритидә өртәнмәктә.

Оқурмән достлар, юқириқи аваз улинишидин, алди билән муһтәрәм рабийә қадир ханимниң хасийәтлик бу күнләрдә немиләрни ойлаватқанлиқини, немиләрни арзу қиливатқанлиқини, вәтән ‏ - ичи сиртидики уйғур қериндашлири вә пәрзәнтлиригә ейтидиған йүрәк сөзлирини силәргә сунимиз.

Шундақла, уйғур зиялилиридин қаһар барат әпәнди вә америкиниң сан - франсско шәһиридә яшап келиватқан уйғур җамаәт әрбаби әркин һаҗиларниң һейтлиқ тәсиратлирини аңлаш билән биргә, вәтән үчүн һаятини беғишлиған, арман билән бақи аләмгә кәткән шеһитлиримизни әсләш йүзисидин, уларниң роһиға дуа қилғач, мәрһум күрәш көсән әпәндиниң " уйғурум " нахшисидин һозур алайли.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт