Qurban héytliq salamlar

Dunya musulmanliri mubarek qurban héyt bayrimi ötküzülüwatqan bu minutlarda, chet'ellerde yashawatqan Uyghurlarning qelbide hijret otliri lawuldimaqta. Uyghur milliy herikitining rehbiri rabiye qadir xanim bashliq bir qisim Uyghur mötiwerliri héytliq salamlirini radi'omiz arqiliq weten ichi ‏ - sirtida yashawatqan Uyghurlargha yollidi.
Muxbirimiz eqide
2008-12-09
Share
rabiye-yawropa-305 Süret, rabiye qadir xanim 2007 - yili iyun pragda.
Courtesy of UAA / Rushan Abbas / File Photo

Essalamu eleykum muhterem qérindashlar, qurban héytinglar qutluq bolsun ! bügün musulmanlar yilda bir qétim kélidighan mubarek qurban héyt tentenisige chömülmekte, hemmige melum bolghinidek, weten dep wetinidin ayrilghan yat ellerdiki Uyghurlar ushbu minutlarni hesret we séghinish ilkide ötküzmekte. Chünki ular wetensiz, chünki ular eziz qérindashliridin, méhriban ata ‏ - aniliridin bekmu yiraqta - yiraqta.

Gerche chet'ellerde hijrette yashawatqan Uyghurlar, qewm - qérindash, el - jama'et, dost ‏ - yarenler jem bolidighan ushbu mubarek peyitlerge, ular bilen ortaqlishalmisimu, ularning qelbi weten, xelqige telpünmekte. Ular chongqur salamlirini téléfon we radi'o dolqunliri arqiliq sirdashlirigha yetküzmekte.

Muhterem oqurmenler, Uyghurlar teripidin " Uyghurlarning anisi " dep teripliniwatqan Uyghur milli herikitining rehbiri rabiye qadir xanim, hijrettiki barliq Uyghurlarning meniwiy anisi bolup, u özining janliq pa'aliyetliri arqiliq Uyghurlargha aniliq méhrini yetküzmekte, Uyghurlarning siyasiy erkinliki üchün kéche - kündüz küresh qilmaqta. Emma uning eziz yürek pariliri wetende anisizliq hesritide örtenmekte.

Oqurmen dostlar, yuqiriqi awaz ulinishidin, aldi bilen muhterem rabiye qadir xanimning xasiyetlik bu künlerde némilerni oylawatqanliqini, némilerni arzu qiliwatqanliqini, weten ‏ - ichi sirtidiki Uyghur qérindashliri we perzentlirige éytidighan yürek sözlirini silerge sunimiz.

Shundaqla, Uyghur ziyaliliridin qahar barat ependi we amérikining san - franssko shehiride yashap kéliwatqan Uyghur jama'et erbabi erkin hajilarning héytliq tesiratlirini anglash bilen birge, weten üchün hayatini béghishlighan, arman bilen baqi alemge ketken shéhitlirimizni eslesh yüzisidin, ularning rohigha du'a qilghach, merhum küresh kösen ependining " Uyghurum " naxshisidin hozur alayli.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet