Rabiye qadir xanim italiye transit radikal partiyisining 39 - nöwetlik qurultiyigha qatnashmaqta

Uyghur milliy herikitining rehbiri rabiye qadir xanim italiyining rim shehiride tranis radikal partiyisining 39 - nöwetlik qurultiyigha qatnashmaqta.
Ixtiyari muxbirimiz erkin tarim
2011-12-09
Share
rebiya-kadeer-transnational-305.png Rabiye qadir xanim italiyelik siyasiyun marko panilla ependi bilen bille
Transnational Radical Party Public Archive
Qurultaygha 45 dölettin 385 wekil qatnashmaqta. Qurultayning échilish murasimida transit radikal partiyisining bash sékritari, herqaysi döletlerdin kelgen wekiller, italye tashqi ishlar ministiri jiyu'iliyo terzi di santagata qatarliq kishiler söz qilghan. Échilish nutqi qilghanlarning köpi Uyghur we tibet mesililirini tilgha élip ötken. Transt radikal partiyisining échilish murasimida rabiye qadir xanimgha yighin bashqurush hey'et ezalirining qatarida orun bérilgen bolup, bu radikal partiyisining Uyghur mesilisige qanchilik ehmiyet bergenlikining ipadisi iken. Radikal partiye burundin tartip Uyghur mesilisini qollap kelgen, Uyghur mesilisining yawrupada, yawrupa parlaméntide tonulushigha zor töhpilerni qoshqan partiyilerdin biri. Shunga rabiye qadir bügün qilghan nutqida transit radikal partiyisi'ining Uyghur mesilisige qoshqan töhpilirige rehmet éytqandin kéyin, Uyghurlarning bügünki ehwali heqqide qisqiche melumat bergen. Rabiye qadirning bu nutqi yighin ehlining qattiq alqishlishigha érishken. U sözining axirida dunyaning herqaysi jayliridin kelgen wekillerni Uyghur dewasigha köngül bölüshke chaqirghan.

D u q re'isi rabiye qadir xanimning terjimanliqini qiliwatqan ömer qanat ependi qurultayni shundaqla rabiye qadir xanimning nutqini axbarat wasitilirining neq meydandin dunyagha tarqitiwatqanliqini anglitip mundaq dédi:

Rabiye qadir xanim radikal partiyisining 39 - nöwetlik qurultiyigha 385 dölettin kelgen wekiller, herqaysi siyasiy partiyining rehberliri, afriqa, jenubiy amérika döletliri, asya we ottura sherq döletliridin kelgen nurghun kishiler bilen uchriship sherqiy türkistan dewasini anglitish we ular bilen pikir almashturush pursitige ige bolghanliqini, bularning Uyghur mesilisini ilgiri sürüshte türtkilik rol oynaydighanliqini éytti. Rabiye xanimdin igiligen melumatlargha asaslan'ghanda, italyining rim shehiride ötküzülüwatqan qurultaygha qatnishiwatqan wekiller Uyghur mesilisi heqqide doklat bérish üchün rabiye qadir xanimni öz döletlirige teklip qilghan.

Ömer qanat ependi burun qurultay jeryanida rabiye qadir xanimning köp döletlerning tashqi ishlar ministirliri bilenmu körüshüp Uyghur mesilisi heqqide melumat bergenlikini, radikal partiyisige Uyghur mesilisi heqqide bezi layihilerni sunidighanliqini anglitip mundaq dédi:

Uyghur milliy herikitining rehbiri rabiye qadir xanim bu qétimqi italiye ziyariti jeryanida qurultaygha qatnashqandin bashqa, bezi insan heqliri teshkilatlirining mes'ulliri bilenmu uchrishidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet