ئامېرىكىدا چىقىدىغان "مارى كلېر" ژورنىلى رابىيە قادىرغا مۇكاپات بەردى
2004.11.22
ئامېرىكىدا چىقىدىغان داڭلىق "مارى كلېر" ئاياللار ژورنىلى 2004 - يىلى 12 - ئايدىكى سانىدا، دۇنيادىكى 10 ئايال قەھرىماننى مۇكاپاتلاپ، بۇلارنىڭ ئارىسىدا ئۇيغۇر كارخانىچى رابىيە قادىرغا ئاياللار ھوقۇقىنى ئىلگىرى سۈرۈشتە قوشقان تۆھپىسى بويىچە مۇكاپات بەردى.
ئون "دۇنيا ئاياللىرى" نىڭ بىرى
"مارى كلېر" ژورنىلى مۇكاپاتلىغان 10 ئايال دۇنيادىكى نەچچە ئونلىغان ئايال قەھرىمانلىرى ئارىسىدىن ئىنچىكىلىك بىلەن تاللاپ چىقىلغان بولۇپ، نامزاتلار ئۇيغۇر ئېلىدىن تارتىپ، ئاسىيا، ياۋروپا ۋە ئافرىقا قاتارلىق جايلارغىچە تارقالغان. مەزكۇر ژورنال بۇ 10 ئايالنىڭ ئىنسانلارغا قوشقان تۆھپىسى، تەۋرەنمەس ئىرادىسى ۋە ھارماس ئەمگىكىنى ئېتىراپ قىلىش ۋە رىغبەتلەندۈرۈش سۈپىتىدە ئۇلارغا "دۇنيانىڭ ئاياللىرى" دەپ ئاتالغان بۇ مۇكاپاتنى بەرگەن ۋە مەزكۇر پروگرامما ئۈچۈن 50 مىڭ دوللار ئاجراتقان.
ژورنالدا يەنە، ھەر بىر مۇكاپاتقا ئېرىشكۈچىلەرنىڭ قىسقىچە تارىخى ۋە ئىش- ئىزلىرى تونۇشتۇرۇلۇپ، ئۇلارنىڭ مۇكاپاتقا ئېرىشىش تۈرى كۆرسىتىلگەن. ئۇنىڭدا ئاياللار ھوقۇقىنى ئىلگىرى سۈرۈشكە قوشقان تۆھپىسى بويىچە مۇكاپاتلانغان رابىيە قادىرنىڭ نۆۋەتتە تۈرمىدىكى ئەھۋالىنىڭ ناچارلىقى ۋە تەن سالامەتلىكىنىڭ ياخشى بولالمايۋاتقانلىقى يېزىلغان.
"مەن ھەق ئىش قىلدىم، شۇڭا خىتاي ساقچىلىرى ئالدىدا بېشىڭلارنى ئىگىز كۆتۈرۈپ مەردانە مېڭىڭلار"
"مىڭ ئانىلار ھەرىكىتى" نىڭ بەرپا قىلغۇچىسى
ژورنال يەنە، رابىيە قادىرنىڭ بىرلەشكەن دۆلەتلەر تەشكىلاتىنىڭ 4 - نۆۋەتلىك ئاياللار قۇرۇلتىيىغا قاتناشقانلىقىنى ۋە ئۇنىڭ تۈرتكىسىدە ئۇيغۇر ئېلىغا قايتىپ كەلگەندىن كېيىن "مىڭ ئانا ھەرىكىتى" نى بەرپا قىلغانلىقىنى يازىدۇ. رابىيە قادىرنىڭ يولدىشى، ھازىر ئامېرىكىدا ياشاۋاتقان سىدىق ھاجى روزى ئەپەندى بىزنىڭ زىيارىتىمىزنى قوبۇل قىلىپ، رابىيە خانىمنىڭ "مىڭ ئانا ھەرىكىتى" پائالىيىتىنى تونۇشتۇردى.
"بېشىڭلارنى ئىگىز كۆتۈرۈپ مەردانە مېڭىڭلار"
"مارى كلېر" ژورنىلى رابىيە قادىرنى تونۇشتۇرۇپ تەييارلىغان بېتىدە يەنە، ئۇنىڭ پەقەت ھۆكۈمەت ئېلان قىلغان گېزىت-ژورناللارنى يولدىشىغا ئەۋەتكەنلىكى ئۈچۈنلا خىتاي ھۆكۈمىتى تەرىپىدىن "دۆلەت مەخپىيەتلىكىنى ئاشكارىلاشقا ئۇرۇنغان" دېگەن جىنايەت بىلەن 8 يىللىق قاماق جازاسىغا تارتىلغانلىقى يېزىلغان. ھەمدە رابىيە قادىرنىڭ تۈرمىدە يېتىپ تۇرۇپمۇ ئىنسان ھوقۇقى جۈملىدىن ئۇيغۇرلار ئۈچۈن كۈرەش قىلىش ئىرادىسىدىن قەتئىي يانماي ھەتتا بالىلىرىغا "مەن ھەق ئىش قىلدىم، شۇڭا خىتاي ساقچىلىرى ئالدىدا بېشىڭلارنى ئىگىز كۆتۈرۈپ مەردانە مېڭىڭلار" دېگەن سۆزىنى نەقىل كەلتۈرگەن. رابىيە خانىمنىڭ بۇ سۆزلىرىنى ئەسلەپ ئۆتكەن سىدىق ھاجى روزى ئەپەندى مۇنداق دېدى:
رابىيە قادىر تېخى بۇنىڭ ئالدىدا 2004 - يىللىق "رافتو" خەلقئارا كىشىلىك ھوقۇق مۇكاپاتىغا ئېرىشكەن بولۇپ، ئادەتتە بۇ مۇكاپاتقا ئېرىشكۈچىلەرنىڭ كۆپىنچىسى ئۇزۇن ئۆتمەيلا نوبېل تىنچلىق مۇكاپاتىغا ئېرىشكەن ئىدى. رابىيە قادىرنىڭ ئارقا-ئارقىدىن خەلقئارالىق مۇكاپاتلارغا ئېرىشىۋاتقانلىقى ھەققىدە توختالغان سىدىق ھاجى روزى ئەپەندى، ئۆزىنىڭ ھەممىدىن بەك بۇ ئارقىلىق ئۇيغۇرلار مەسىلىسىنىڭ دۇنياغا تونۇلىۋاتقانلىقىدىن خۇشال ئىكەنلىكىنى بىلدۈردى:
خىتاي ھۆكۈمىتى خەلقئارا كەچۈرۈم تەشكىلاتى قاتارلىق كىشىلىك ھوقۇق تەشكىلاتلىرىنىڭ بېسىمى ئاستىدا بۇ يىل، رابىيە قادىرغا بېرىلگەن كېسىمنى بىر يىل قىسقارتقان بولۇپ، شۇنداق بولغاندا رابىيە خانىم 2006 - يىلى 8 - ئاينىڭ 11 - كۈنى قويۇپ بېرىلىشى كېرەك. (پەرىدە)
رابىيە قادىر خانىم ھەققىدىكى خەۋەرلەر
- رابىيە قادىرغا رافتو مۇكاپاتى بېرىش مۇراسىمى ئۆتكۈزۈلدى
- نورۋىگىيىدە " خىتايدىكى كىشىلىك ھوقۇق ۋە ئۇيغۇرلار مەسىلىلىرى" تېمىسىدا يىغىن ئېچىلدى
- رابىيە قادىرنىڭ رافتو مۇكاپاتىغا ئېرىشكەنلىكى ھەققىدە زىيارەت
- ئۇيغۇرلار نورۋىگىيە تېلېۋىزورىدا تونۇشتۇرۇلدى
- رابىيە قادىر نورۋىگىيە كىشىلىك ھوقۇق مۇكاپاتىغا ئېرىشتى
سىدىق ھاجى روزى ئەپەندى تەرمىلىرى
- ئۇيغۇر قىزلىرى خىتاي ئۆلكىلىرىدە دەپسەندە قىلىنماقتا
- رابىيە قادىرنىڭ رافتو مۇكاپاتىغا ئېرىشكەنلىكى مۇناسىۋىتى بىلەن سىدىق ھاجى روزى بىلەن سۆھبەت
- گۆرۈگە ئېلىۋېلىش ۋەقەسىنىڭ خىتاي - پاكىستان مۇناسىۋىتىگە كۆرسىتىدىغان تەسىرى ھەققىدە سۆھبەت
- سىدىق ھاجى روزىنىڭ ئۇيغۇر تىلى مەسىلىسى ھەققىدىكى كۆز قاراشلىرى
- رابىيە قادىرنىڭ رافتو مۇكاپاتىغا ئېرىشىشى مۇناسىۋىتى بىلەن سىدىق ھاجى روزى بىلەن سۆھبەت
- خۇ جىڭتاۋ ھەربىي ھوقۇقنى ئۆتكۈزۈۋالدى، جاڭ زېمىن دەۋرى ئاخىرلاشتى
ئۇيغۇر ئىنسان ھەقلىرى
- ئۇيغۇرلار ھورۇنمۇ؟
- ئامېرىكا دۆلەت مەجلىسى خىتايدىكى دىنىي ئەركىنلىك مەسىلىسى ھەققىدە ئىسپات بېرىش يىغىنى ئۆتكۈزدى
- ھەجگە بېرىش يولىدىكى ئۇيغۇرلارنىڭ ئەندىشىلىرى ۋە نارازىلىقلىرى
- خىتاي دىنىي زاتلارغا ئېغىر دەرىجىدە زىيانكەشلىك قىلىۋاتىدۇ
- خىتاي ھۆكۈمىتى ئالىي مەكتەپلەر مۇقىملىقىدىن ئەندىشە قىلماقتا
- خىتاي ھۆكۈمىتى دىنىي پائالىيەتلەرگە قاراتقان كونتروللۇقىنى كۈچەيمەكتە
- خىتاي ئۇيغۇر ئېلىدە 50 كۈنلۈك "قاقشاتقۇچ زەربە بېرىش" ھەرىكىتىنى باشلىدى
- ئامېرىكا تاشقى ئىشلار مىنىستىرلىقى خىتايدىكى دىنىي ئەركىنلىك ھەققىدە دوكلات ئېلان قىلدى
- خىتاي ئۇيغۇر ئېلىدە دىنىي ئەركىنلىكنى بوغىۋاتىدۇ
- خىتاي ھۆكۈمىتى بىر ئۇيغۇرنى قانۇنسىز دىنىي پائالىيەت ئېلىپ باردى دەپ كەستى
كۆپ كۆرۈلگەن خەۋەرلەر
RFA
- ئەركىن ئاسىيا رادىيوسىنىڭ مەشغۇلاتى فېدېراتسىيە مەبلىغىنىڭ كېسىلىشى بىلەن توختىشى مۇمكىن
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان
- تۇرغۇنجان ئالاۋۇدۇن ب د ت دا ئۇيغۇر ئىرقىي قىرغىنچىلىقى ۋە خىتاينىڭ دىنىي باستۇرۇشلىرىنى ئەرەب تىلىدا ئوتتۇرىغا قويدى
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- مۇتەخەسسىسلەر: «ئۇيغۇر ئېلىدىكى يۇقۇملۇق كېسەللىكلەرنىڭ ئالدىنى ئېلىش بازىسى لوپنۇردىكى يادرو سىناق بازىسىغا ئوخشاپ كېتىدۇ»