Rabiye qadir xanim bostonda ikki muhim yighin'gha qatnashti


2008-03-27
Share

Uyghur milliy herikitining rehbiri rabiye qadir xanim, 26 ‏- mart küni amérikining boston shehiride. RFA Photo

Uyghur milliy herikitining rehbiri rabiye qadir xanim, 26 ‏- mart küni amérikining boston shehiride güantanamo türmisidiki Uyghur mehbusliri mesilisi üstide échilghan ispat bérish yighinigha ishtirak qildi.

26 ‏- Mart küni amérikining boston shehiride, amérikining masachusséts shitatidiki parlamét ezasi bélxant ependi yétekchilikide, güantanamo türmisidiki Uyghur mehbuslirining mesilisi we amérika hökümiti teripidin bigunah dep aqlinip, xata tutulup qalghan 17 neper Uyghurlarni choqum üchinchi bir döletke saq ‏- salamet orunlashturush kérekliki heqqide mexsus bir yighin chaqirilghan bolup, mezkür yighin'gha Uyghur milliy herikitining rehbiri rabiye qadir xanim qatnashti.

Uyghur milli herikitining rehbiri rabiye qadir xanimning bu qétim bostonda ötküzülgen yighin'gha qatnashqanliqini alahide tilgha élip, yighin ishtirakchilirigha rabiye xanimni tonushturup ötken we yighinda söz qilghan parlamént ezasi bélxant ependi, Uyghur mehbüslirini tézraq güantanamo türmisidin élip chiqishning intayin muhim ikenlikini otturigha qoydi. Yighinda yene, 17 neper Uyghurning adwokatliq wezipisini ötewatqan séybin wallét ependi, Uyghur mehbuslirining nöwettiki türme weziyitining nahayiti nachar ikenlikini, bolupmu ularning güantanamo türmisi 6 ‏- lagirdin qutulup chiqishining muhimliqini, ularning choqum bir azade, shara'iti yaxshiraq bir türmige yötkilishini, bolupmu Uyghur mehbuslirini bir ‏- biri bilen uchriship turush imkanigha ige qilish kéreklikini tekitligen.

Yighin nahayiti müweppeqiyetlik axirlashqan bolup, parlamént ezasi bélxant ependi yighindin kéyin rabiye qadir xanim bilen ayrim uchriship, söhbette bolghan we uninggha Uyghurlar duch kéliwatqan nöwettiki weziyetni anglatqan.

Uyghur milliy herikitining rehbiri, dunya Uyghur qurultiyining re'isi rabiye qadir xanim bilen birge hemrah bolup yighin'gha qatnashqan d u q ijra'iye komtétining re'isi, amérika Uyghur birleshmisining bash katipi alim séyitof ependi bu heqte chüshendürüsh bérip mundaq dédi.

Alim séyitof ependining bildürüshiche, rabiye qadir xanim adwokat seybin ependi bilen yene bir adwokatning Uyghur mehbüslirini qutuldurush üchün élip bériwatqan xizmetlirige alahide rehmet éytish bilen birge, ulargha yene üzining Uyghur mehbüsliri heqqidiki telep we teshebbüslirini éytqan.

Uyghur milliy herikitining rehbiri rabiye qadir xanim, güantanamo türmisidiki Uyghur mehbüsliri mesilisi toghrisida échilghan mexsus yighindin chiqip, alim séyitof ependining hemrahliqida yene bostondiki xelq'ara kechürüm teshkilatining orunlashturishida élip barghan ikkinchi bir yighin'gha qatnashqan.

Alim séyitof ependi bu heqtimu chüshendürüsh bérip mundaq deydu. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet