Rabiye qadir xanimning shiwitsariyide élip bériwatqan ziyariti dawamlashmaqta

Yéqinda shiwitsariye bilen xitay otturisida "erkin tijaret kélishimnamisi " imzalan'ghan bolup, kélishimnamining konkrét maddilirining testiqlinish munasiwiti bilen shiwitsariyidiki kishilik hoquq teshkilatliri we shexsler, shiwitsariye hökümitige xitaydiki kishilik hoquq mesilisi, bolupmu Uyghur we tibetlerning kishilik hoquq mesilisini aldinqi shert qilghan asasta, mezkür tijaret kélishimnamisining programmilirigha qol qoyush kérekliki, xitayning Uyghurlar bilen tibetlerning heq - hoquqlirigha hörmet qilish shuningdek kapaletlik qilish wedisige érishmey turup, kélishimnamige hergiz qol qoymasliq heqqide qattiq teleplerni otturigha qoyghan .

Shiwitsariye hökümitige bu xil teleplerni qoyghan teshkilatlar ichide " bérén bayannamisi " namidiki bir teshkilat we xeter astidiki milletlerni qoghdash teshkilatimu bar bolup, bu teshkilatlarning mexsus orunlashturushi bilen , muxbirlarni kütiwélish yighini ötküzülgen. Muxbirlarni kütiwélish yighinida rabiye qadir xanim Uyghurlarning hazirqi siyasiy weziyitini anglatqan. Shiwitsariye sherqiy türkistan jem'iyitining mes'uli endeli ependi, bérn bayannamisi teshkilati we muxbirlarni kütiwélish yighini toghrisida melumat berdi.

Muxbirlarni kütiwélish yighinidin kéyin, rabiye qadir xanim hemrahliri bilen birlikte, shiwitsariyining zürix shehiridiki " bérn bayannamisi" teshkilatining merkizide kütiwélin'ghan, rabiye xanim mezkür teshkilat mes'ulliri bilen buningdin kéyin Uyghur mesilisini shiwitsariyide qandaq shekilde téximu keng da'iride anglitish heqqide öz - ara söhbet élip barghan. Bu heqte toxtalghan endili ependi mundaq dédi.

Rabiye qadir xanim, " bérén bayannamisi " teshkilatining merkizide élip bérilghan uchrishishtin kéyin, shiwitsariyide tonulghan pisxolog we din tetqiqati bilen shughullan'ghuchi martin ka'ufning arzusigha bina'en, uning bilen körüshüp, oxshashla Uyghurlar mesilisi üstide bir yérim sa'ettin artuq söhbet ötküzgen. Endeli ependi bu söhbetning mezmunliri toghrisida toxtaldi.

Shiwitsariye sherqiy türkistan jem'iyitining mes'uli endeli ependining bildürüshiche, shiwitsariyide yashawatqan türklerning rabiye qadir xanim bilen körüshüp, uning Uyghurlarning siyasiy weziyiti heqqidiki nutiqini anglash telipige asasen, 23 ‏- noyabir kechte mexsus türkler bilen uchrishish programmisi orunlashturulghan bolup, bulardin sirt yene, 24 ‏- noyabir küni paytext bérén shehiride hökümet xadimliri bilen körüshüsh shuningdek güentanamo türmisidin qoyup bérilip, yura wilayitige yerleshken ikki aka ‏- uka bilen uchrishish pa'aliyetliri élip bérilidiken.