Рабийә қадир ханим норвегийидики уйғурларға нутуқ сөзлиди
2011.01.29
Рабийә қадир ханим норвигийиниң пайтәхти ослода уйғурларға соз қилди. 2011-Йили 29-январ
Мурасимға 150 тин артуқ адәм қатнашти.
Мурасим шәрқий түркистан истиқлал маршини оқуш билән башланғанда зал ичи бирдинла һаяҗанлиқ кәйпиятиға чөмди.
Униңдин кейин, норвегийә уйғур комитетиниң башлиқи пәрһат яқуп әпәнди тәшкилат хизмәтлиридин доклат бәрди.
Қизғин алқишлар ичидә сөзгә тәклип қилинған рабийә
қадир ханим уйғур дәваси, шәрқий түркистанниң бүгүнки вәзийити вә вәтән ичи
-сиртидики уйғурларниң вәтән үчүн немиләрни қилиши керәклики һәққидә тәпсилий
тохталди. 
Сейит түмтүрк әпәнди норвегийидики уйғур қериндашлар билән учрашқанлиқидин толиму хурсән икәнликини билдүрди.
Нутуқ сөзләш паалийити җәрянида йәнә норвегийидики мөминҗан башлиқидики сәнәт гурупписи әзалири нахша, музика вә ләрзан уйғурчә усул номурлирини көрситип, барлиқ қериндашларниң тәшәккүригә еришти.
Норвегийидики яшлар вәкилиму сөз қилип, норвегийидики яшларниң дәва сәпидики җанлиқ һаяти күч икәнликини вә шундақла өзлириниң арзу-үмидлирини ипадә қилип өтти.
Паалийәт ахирида коллектип рәсимгә чүшүш болуп өтти вә паалийәткә қатнашқан уйғурлар бу қетимқи мурасимни қизғин, һаяҗанлиқ кәйпият билән тамамлап қайтишти.Көп көрүлгән хәвәрләр
RFA
- Маралбеши базиридики тумақчи һаҗиахун вә аяли мәхпирәмхан тумшуқ түрмисидә җан үзгән
- Чәт әлләрдә алқишқа еришиватқан уйғур ресторанлири кимни раһәтсиз қилмақта?
- Қирғизистан хитайға “гуманлиқ кишиләрни өткүзүп бериш” һәққидә вәдә бәргән
- Әрәб дөләтлири иттипақи вәкиллири қәшқәрни зиярәт қилғандин кейин, хитайниң уйғур сияситини қоллиди
- “рәйһангүлниң һекайиси” хәлқаралиқ оқуғучилар филим фестивалида көрситилишкә талланған