Хитай рабийә қадир ханимниң оғуллири үстидин һөкүм чиқарди

2006-11-27
Елхәт
Пикир
Share
Принт

alim--rabiye-150.jpg
Алим абдуреһим. Хитай даирилири униңға 7 йиллиқ түрмә җазаси бәргән.

26 ‏- Ноябир күни германийидә даңлиқ кишилик һоқуқ паалийәтчиси, уйғур миллий һәрикитиниң рәһбири рабийә қадир ханим бирдәк аваз билән, дуня уйғур қурултийиниң рәиси болуп сайланған иди. Буни көзитип турған хитай һөкүмити рабийә қадир ханим дуня уйғур қурултийиниң рәиси болуп сайланған күниниң әтисила, униң оғли алим абдуреһимға баҗ оғрилиди, дегән баһанә билән 7 йиллиқ қамақ җазаси бәрди.

Әнгилийә б б с радио телевизийә ширкитиниң мәлум қилишичә, рабийә қадир ханимниң оғли алим абдуреһимдин башқа йәнә, униң қаһар абдуреһим исимлик оғлиму баҗ оғрилиди дегән баһанә билән сотқа тартилған. Лекин қаһар абдуреһимға қамақ җазаси берилмәй, 12 йерим миң доллар җәриманә қоюлған. Алим абдуреһимға болса 7 йиллиқ қамақ җазаси берилиштин сирт йәнә, 62 миң доллар җәриманә қоюлған.

Хәлқара кишилик һоқуқ көзитиш тәшкилатиниң мәсули никола әпәнди ройтерс хәвәр агентлиқиға "хитай һөкүмитиниң бундақ қилмишини рабийә қадир ханимға қаритилған өч елиш дәп чүшинишкә болиду" дәп билдүргән. У йәнә "рабийә қадир ханим уйғур миллитигә вакалитән кишилик һоқуқ мәсилиси һәққидә күрәш елип бармақта. Бу хитай һөкүмитиниң қаттиқ ғәзипини қозғиди" дәп билдүрди.

Хитай һөкүмити бу қетим рабийә қадир ханимниң оғли алим абдуреһимни сотлашта, әқидә сода ширкити 93 ‏- йилидин 2000 ‏- йилиға қәдәр, 200 миң йүәндин артуқ баҗ оғрилиған дәп, уни гунаһкар қилған. Лекин әйни вақитта йәни рабийә қадир ханим қолға елиништин бурун, 93 ‏- йилидин 99 ‏- йилиға қәдәр, һәр йили дегүдәк баҗ тапшурушта илғар болуп баһаланған вә мукапатланған.

Рабийә қадир ханимниң йолдиши сидиқ һаҗи рози әпәнди зияритимизни қобул қилип, пәрзәнтлириниң устидин чиқирилған һөкүм һәққидә тохталди.

Пикирләр (0)
Share
Толуқ бәт