Rabiye qadir xanim kanada ziyaritini ghelibilik axirlashturdi

 Rabiye qadir xanim bu qétimqi ziyariti jeryanida, kanada hökümet rehberliri bilen uchrashqan we xelq'ara kechürüm teshkilatining alahide teklipi bilen mezkur teshkilat teripidin kanadaning toronto shehiride orunlashturulghan yighin'gha qatnashqan hemde kanadadiki Uyghur jama'iti bilen yüz körüshken.

Rabiye qadir xanim radi'omizgha bergen bayanatida bu qétimqi kanada ziyaritining Uyghur mesilisining kanada hökümiti we kanada jama'etchiliki teripidin téximu yaxshi tonulushigha hesse qoshqanliqini shuningdek hüseyin jélil mesilisining hem kanada hökümiti hem kanada xelqi aldida qaytidin kötürülüshige seweb bolghanliqini tekitlep, " bu qétimqi kanada ziyaritim nahayiti ghelibilik ötti" dédi.

Uyghur milliy herikitining rehbiri rabiye qadir xanimning bu qétimqi kanada ziyaritining orunlashturulishida muhim rol oynighan dunya Uyghur qurultiyining mu'awin re'isi memet toxtining éytishiche, rabiye qadir xanimning bu qétimqi ziyariti Uyghur milliy dewasining tereqqiyati üchün ünümlük netijiler bilen ayaghlashqan.