Рабийә қадир ханим японийидә 2 университетта доклат бәрди

Уйғур миллий һәрикитиниң йолбашчиси рабийә қадир ханимниң японийә зиярити ғәлибилик давам қилмақта. Рабийә ханим зияритиниң төтинчи күни японийиниң кагушима шәһиридики каҗячяв университети билән кагушима университетида доклат бәргән.
Мухбиримиз әркин тарим
2009.10.23
Rabiye-xanim-Yaponda-sozde-305.jpg Сүрәт, рабийә қадир ханимниң йапонийә зийаритидики нутуқлириниң биридә хәлқара җәмийәтни уйғурларниң налисигә қулақ селишқа үндәватқан көрүнүшләрниң бири.
AFP Photo

Бу икки доклатқа оқутқучи - оқуғучилардин башқа йәнә, дуняниң һәр қайси җайлиридин кәлгән чәтәллик оқуғучилардин болуп 400 әтрапида киши қатнашқан.

Гәрчә хитай һөкүмити япон һөкүмитигә бесим ишлитип рабийә қадир ханимниң японийидә доклат беришини тосушқа тиришқан болсиму бу ишқа ашмиған. Шундақла хитай әлчихана хадимлири, японийидә оқуватқан хитай оқуғучиларға йиғин чақирип уларни рабийә қадир ханимға қарши намайиш қилишқа үндигән.

Бу мунасивәт билән түнүгүн, хитай ташқи ишлар министирликиниң баянатчиси рабийә ханимниң японийә зияритигә инкас қайтуруп, японийидики бәзи тәрәпләрни җуңгоға қарши паалийәтләргә мәйдан һазирлап бериш билән әйиблигән.

Биз, рабийә қадир ханимниң 23 - өктәбирдә икки университетта бәргән доклати һәққидә тәпсилий мәлумат елиш үчүн нәқ мәйданға телефон қилип рабийә қадир ханим вә башқилар билән телефон зиярити елип бардуқ.

Рабийә қадир ханим 11 - айниң2 - күнигичә японийидики йәнә 7 университетта лексийә сөзлимәкчи. Шундақла япончә нәшр қилинған китабиниму тонуштурмақчи.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.