Рабийә қадир ханим калифорнийидә уйғурларниң вәзийитини аңлатти

Сүрәт, рабийә қадир ханим хәлқара кәчүрүм тәшкилатиниң америкиниң калифорнийә университетида уйуштурған кишилик һоқуқ темисидики йиғинда, уйғурларниң һазирқи вәзийити һәққидә йиғин қатнашчилириға доклат бериватқан көрүнүш.

Уйғур миллий һәрикитиниң рәһбири рабийә қадир ханим, изчил түрдә кишилик һоқуқ тәшкилатлири тәрипидин елип бериливатқан паалийәтләргә әзиз меһман сүпитидә қатнишип  кәлмәктә. Йеқинда хәлқара кәчүрүм тәшкилатиниң, калифорнийә университети қануншунаслиқ бөлүмидә уюштурған "кишилик һоқуқ" темисидики мәхсус йиғинда рабийә қадир ханим, уйғурларниң һазирқи вәзийитини пакитлиқ испатлар арқилиқ аңлитип йиғинға қатнашқанларни қаттиқ тәсирләндүргән.
 
Америка уйғур бирләшмисиниң калифорнийидики вәкили обулқасим әпәнди, рабийә ханимға һәмраһ болуп йиғинға қатнашқан вә тәрҗиманлиқ вәзиписини өтигән болуп, у йиғин һәққидә бизгә мәлумат бәрди.

Йиғинға калифорнийә университетиниң оқутқучи вә оқуғучилири шуниңдәк кишилик һоқуқ тәшкилатлириниң хадимлири қатнашқандин сирт, калифорнийә шитатиниң һәрқайси шәһәр вә районлирида яшайдиған уйғурларму қатнашқан болуп, улар йиғинниң кәйпиятини техиму юқири көтәргән.

Йеқинда уйғур елидин чиққан  оқуғучи мәмәт вәлиму йиғинға қатнашқан болуп, у  өзиниң рабийә қадир ханимни тунҗи қетим көргәнликини, уни көрүпла өз анисини көргәндәк һессиятқа кәлгәнликини, рабийә ханим сөзлигән нутуқни аңлап қаттиқ тәсирләнгәнликини, рабийә қадир ханимдин пәхирлинидиғанлиқини, муһими вәтән, миллити үчүн күрәш қилиш роһиниң күчләнгәнликини билдүрди.

Йиғинға қатнашқан уйғурлардин йәнә, сәми әпәнди зияритимизни қобул қилип, йиғиндин алған тәсиратлирини аңлатти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар