رابىيە قادىر خانىم: 'بىز ماتەمنى ئەركىنلىككە ئايلاندۇرىمىز!'

دۇنيا ئۇيغۇر قۇرۇلتىيى خىتاينىڭ "1 - ئۆكتەبىر دۆلەت بايرىمى" ھارپىسىدا ئىككى مۇھىم بايانات ئېلان قىلدى. بۇنىڭ بىرى، ‏ئۆكتەبىر خىتاي كوممۇنىستلىرىنىڭ دۆلەت قۇرغانلىقى شۇنداقلا شەرقىي تۈركىستان خەلقىنىڭ شۇندىن بۇيان ئەركىنلىكىدىن مەھرۇم قالغانلىقى مۇناسىۋىتى بىلەن پۈتۈن دۇنيادىكى ئۇيغۇرلارنىڭ بۇ كۈننى ئۇيغۇرلار ئۈچۈن "ماتەم كۈنى" دەپ تونۇپ، خىتاي ھۆكۈمىتىنىڭ ئۇيغۇرلار ئۈستىدىن ئېلىپ بېرىۋاتقان باستۇرۇشىغا قارشى نارازىلىق پائالىيەتلەرنى تەشكىللەش ھەققىدە چاقىرىق. يەنە بىرى بولسا، ئۇيغۇر مىللىي ھەرىكىتى رەھبىرى رابىيە قادىر خانىمنىڭ جىددىي چاقىرىقى بىلەن 2011 - يىلى فېۋرالنىڭ بېشىدا "شەرقىي تۈركىستان ‏- ئۇيغۇرىستان خەلقئارالىق مىللىي ئالىي كېڭىشى" ئۆتكۈزۈدىغانلىقى ھەققىدىكى بايانات.