Rabiye qadir xanim awstiraliye ziyariti üchün sédniyda

2009 - Yili 8 - ayning 4 - küni d u q reisi rabiye qadir xanim awstiraliyining sédniy shehirige yétip kelgen bolup, sütette, rabiye xanim awstiraliye uyghur jemiyitide jemiyet ezaliri, muxbir we méhmanlar bilen birge.

Rabiye xanimni kütüp türghan awstiraliyining a b s téléwiziye qanili we awitiralyan géziti qatarliq axbarat organlirining muxbirliri uning etrapigha olushup so'allar yaghdurushti.

U muxbirlarning urumchidiki tutqunda turuwatqan baliliri we akisi teripidin yézilghan xet heqqide soralghan so'allirigha mundaq jawab berdi: " bu, Uyghurlarning awazini dunyadin öchürüsh üchün waste tallimaydighan xitay hökümitining yene bir nomussiz charisi, mining perzentlirim uz ixtiyari bilen anisini eyiblimeydu. Xitay bu charisi bilen méni kontrol qilalmaydu, Uyghurning awazini öchürelmeydu. 5 - Iyul qirghinchiliq jinayitini yoshuralmaydu. Eksiche dunya jama'etchilikige özlirining qanchi'ilik zalim ikenlikini téximu ispatlidi."

Rabiye xanimning bu qitimqi ziyaritining sewebi milborin xelq'ara kino fistiwaligha qatnashturilidighan, uning Uyghurlarning erkinliki yolida ilip barghan kureshliri mezmun qilin'ghan "söygüning 10 sherti" namliq hujjetlik filim iken.

Bu filimning fistiwalgha qatnashturulushi élan qilin'ghandin kéyin, bolupmu urumchidiki qirghinchiliqtin kéyin, rabiye xanim we Uyghurlar eng muhim timigha aylinip awstiraliyidiki téléwiziye,gézit, radi'olarda her küni dégidek xewerler biriliwatidu. Bu axbarat wastilirining xewer qilishiche, béjing da'iriliri awstiraliye hökümitige, fistiwal teshkili orginigha bar küchi bilen tosqunluq qilip we tehditler silip, rabiye xanimgha wiza bermeslikni, filimni fistiwalgha qatnashturmasliqni qattiq telep qilghan, meqsitini emelge ashuralmighan xitay 5 filimini, xongkong we teywen birdin, ikki filimni fistiwalgha qatnashturushtin qaldurup, bayqut qilghan.

Xitay kompiyotér buzghunchiliri fistiwal teshkilligüchilerning kompiyotérlirigha hujum qilghan. Bu filim 2009 - yili 8 - ayning 8 - küni ikranda tünji qétim qoyulidighan bolup, bilet tamamen sétilip bolghan.

Dunya Uyghur qurultiyining re'isi rabiye qadir xanim awstiraliyige yétip kelgen 2009 - yili 8 - ayning 4 - küni kech sa'et 7 de awstiraliye Uyghur jem'iyitining sédniy shehirining oburn rayonidiki ishxanisini ziyaret qildi we türk jem'iyitining zalida 200 ge yiqin turk we Uyghurlarni qobul qilip, urumchidiki qanliq qirghinchiliq heqqide omumi doklat berdi . Muxbirlar we yighin qatnashchilirining so'allirigha jawab berdi.

Ezerbeyjan jem'iyitining re'isi nimemetin ependi söz qilip: "mustapa kamal türklerge ata türk bolghan, siz, türklerge ana türk bolushqa heqliqsiz,"‏ dédi.

Yuqiridiki awaz ulinishidin, bu heqtiki melumatimizning tepsilatini anglaysiler.