Rabiye xanim tokyoda siyasetchiler we muxbirlar bilen söhbet élip bardi

Süret, 20 - dékabir küni, rabiye qadir xanimning afp muxbirining ziyaritini qobul qiliwatqandiki körünüshi.

Bulardin bashqa yene bezi siyasetchiler bilen uchriship ulargha Uyghur mesilisi heqqide melumat bergen. Rabiye qadir xanimning radi'omizgha bergen melumatigha qarighanda bügünki uchrishishlirida nuqtiliq halda 5 - iyul ürümchi weqeside tutup kétilgen we yéqinda ölüm jazasi bérilgen 12 Uyghurning adil sotlanmighanliqini éytqandin kéyin yapon hökümitini we yapon jama'etchilikini xitaylargha bésim ishlitishqa chaqirghan.
 
Biz yene rabiye qadir xanimni yaponiyide 10 uniwérsitétta léksiye sözleshke teklip qilghan kagoshima xelq'ara uniwérsitéti filoloji fakultéti mudiri nishixawa sichi ependi bilenmu söhbet élip barduq. U bizge rabiye qadir xanimni alahide teklip qilishidiki meqset we buning ehmiyiti heqqide melumat berdi. U rabiye qadir xanim yaponiyige kélishning aldida xitaylarning uniwérsitétqa kélip naraziliq bildürgelikini, emma ularning yaponyining démokratik dölet ikenlikini éytip xitaylargha reddiye bergenlikini éytti.

Dunya Uyghur qurultiyi re'isi, rabiye qadir xanim 10 - ayning20 - künidin 11 - ayning 2 - künigiche yaponiyidiki 10 uniwérsitétta "yipek yolidiki ejderha bilen élishiwatqan Uyghur anisi" témisida léksiye sözlimekchi. Shundaqla yaponche neshir qilin'ghan kitabinimu tonushturmaqchi.

Yuqiridiki awaz ulinishidin, bu heqtiki melumatimizning tepsilatini anglaysiler.