Рамизан мунасивити билән истанбулдики уйғурлар 'қәдир кечиси' ни бирликтә өткүзди

Қәдир кечиси рамизанниң ахирқи он күнлиридин бир кечидур. Бу кечидә мусулманларниң дәстури қуран кәрим дуняға назил болған пәзиләтлик кечидур. Қәдир кечиси миң айдин артуқ әвзәлликкә игә бир кечә. Мусулманлар бу кечидә миң ай ибадәт қилғанниң савабиға еришиш үчүн ухлимай ибадәт қилиш билән таң атқузиду.
Мухбиримиз арислан
2009-09-16
Share

Қуран кәримдә аллаһтаала бу кечиниң әһмийити вә пәзилити һәққидә мундақ дәйду: "биз қуранни һәқиқәтән шәби қәдридә йәни қәдир кечисидә назил қилдуқ, шәби қәдирниң немә икәнликини биләмсән? шәби қәдир йәни қәдир кечиси шәрәп вә пәзиләттә миң айдин артуқ. Пәриштиләр вә җибриил шу кечидә пәрвәрдигариниң әмри билән земинға аллаһ тәқдир қилған барлиқ иш үчүн чүшиду. Шу кечә таң йоруғанға қәдәр пүтүнләй тинч ‏- аманлиқтин ибарәттур." (Қуран кәрим 97 ‏- сүрә ).

2009 ‏- Йили 9 ‏- айниң 15 ‏- күни рамизан мунасивити билән истанбулдики уйғурлардин көп санда киши шәрқий түркистан маарип вә һәмкарлиқ җәмийитиниң мәркизигә йиғилип қәдир кечисини бирликтә өткүзди. Бу кечидә уйғурлар қуран оқуш, җамаәтлишип намаз өтәш, дуа тилавәт қилиш, сөһбәт елип бериш дегәнгә охшаш ибадәтләр билән мәшғул болди. Вәтәндә хитайниң түрмисидә йетиватқан зулум чекиватқан шеһид болуп кәткәнләр үчүн дуа қилди.

Шәрқий түркистан маарип вә һәмкарлиқ җәмийитиниң мәркзидә өткүзүлгән қәдир кечисидә җәмийәт мәсуллиридин абликимхан мәхсум вә абдулкәрим кучар қатарлиқ шәхсләр сөз қилип қәдир кечиси вә рамзан ейиниң уйғур мусулманларға болған әһмийити һәққидә тохталди.

Шәрқий түркистан маарип вә һәмкарлиқ җәмийитиниң баш назири абликимхан мәхсум сөз қилип, вәтәндә миңлиған бигунаһ кишиләрниң түрмиләрдә қийин қистақта яшаватқанлиқини, уйғур хәлқиниң әндишә ичидә яшаватқанлиқини, әмма аллаһниң, чәтәлдә яшаватқан уйғурларға чоң немәтләрни инам қилғанлиқини бу немәтләрниң әң каттилиридин бири болса вәтәндики қериндашларниң бешиға кәлгән ғәм ‏- әндишиләрдин хали икәнликини шуниң үчүн ғәпләттин ойғинип вәтәндики қериндашларниң әһвалини чоңқур ойлинип улар һәққидә мулаһизә йүргүзүш керәкликини тәкитлиди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт