Türkiyidiki Uyghurlar ramzan éyini inaqliq we hemkarliq ichide ötküzmekte

Pütün dunyadiki 1 yérim milyard musulman, 12 ayning sultani dep atalghan muqeddes ramzan éyining 11-künige kirgen künimizde, türkiyidiki Uyghurlar ittipaqliq we inaqliq ichide bu ayni ötküzmekte.
Ixtiyariy muxbirimiz erkin tarim
2011.08.11
uygurlar-iptarda-turkiye-305.jpg Türkiyediki Uyghurlar ramzan éyini inaqliq we hemkarliq ichide ötküzmekte. 2011-Yili awghust.
RFA/Erkin Tarim
u0811-erkin.mp3
Anglash Awazni köchürüsh

Türkiyidiki qolida bar Uyghurlar türklerge oxshashla her kün dégüdek opche iptar tamaqliri bermekte ,yoqsullargha yardem qilmaqta.

Türkiye parlaménti bashliqi jemil chéchek ependi türkiyidiki baylarni heshemetlik méhmanxanilarda iptar ziyapiti bermey, afriqida achliqtin ölüwatqan kishilerge yardem ewetishke chaqirghan idi. Bu teklipke bina'en türkiyidiki kishiler heshemetlik ziyapetlerni bikar qilip ziyapetlerde xejlinidighan pullarni afriqigha yollimaqta. Türkiyidiki minglighan ammiwi teshkilatlar ramzan éyi munasiwiti bilen namratlargha her xil yardem buyumlirini tarqatmaqta.

Türkiyidiki sherqiy türkistan ammiwi teshkilatliri we Uyghur baylar opche iptar ziyapetliri ötküzgendin sirt, ata-anisidin uzaq jayda rozi éyi ötküzüshke mejbur qalghan Uyghur oqughuchilargha iptar üchün réstoranlarning tamaq biletlirini tarqitip bérip, xalighan künde Uyghur ashxanilirida iptar tamiqi yéyishini kapaletke ige qilmaqta.

Türkiyidiki Uyghurlar ramzan éyini qandaq ötküzüwatidu? ramzan éyida namratlargha yardem qilsa qandaq sawablargha ige bolidu dégen'ge oxshash so'allargha jawab tépish üchün türkiyidiki Uyghurlar bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.