Rejep tayip erdoghan bir Uyghur a'ilisini ziyaret qildi

Rejep tayip erdoghan 6 - ayning 7 - küni qeyseri ziyaritide, bir uyghur ailisini ziyaret qilip, 75 yashtiki gülmetxanning ailisidin hal sorighan. Sürette, rejep tayip erdoghan d u q muawin bashliqi séyit tümtürk ependi ailisi bilen birge.

Qurultayning échilish nutqini qilghan rejep tayip erdoghan, qurultay axirlashqandin kéyin, zalning yéqinidiki bir Uyghur a'ilisini ziyaret qilghan. U 75 yashtiki gülmetxanning öyige kirip hal sorighan.

Bu ziyarette bash ministirdin bashqa dölet ministiri faruq özkök, énirgiye ministiri taner yildiz, yéza igilik ministiri wéysel eroghli we köp sanda parlamént ezasimu bar iken.

Bash ministir bu a'ile bilen söhbet élip bérish jeryanida dunya Uyghur qurultiyi mu'awin bashliqi séyit tümtürk ependi bash ministirge Uyghurlarning bügünki weziyiti heqqide qisqiche melumat bergen.

Séyit tümtürk ependining eng kichik qizi xeyrunnisa qizni quchiqigha élip ekiletken rejep tayip erdoghan, séyit tümtürk ependi we ayalidin `nechche perzentinglar bar?` dep sorighan.

Séyit tümtürk ependining ayali meryem xanim, `bizning 5 balimiz bar, ana wetinimiz sherqiy türkistanda Uyghur ayallirigha bir balidin köp bala tughushqa ruxset qilmaydu. Uyghur

RFA Photo / Erkin Tarim

Qizlirini ish tépip bérimiz dégen yalghan wediler bilen xitaygha ékitiwatidu`, dep jawab bergende, bash ministir rejep tayip erdoghan béshini lingshitip turup, `biz her qandaq naheqchilikke qarshi turimiz` dégen.

Séyit tümtürkning chong qizi ayshenur bash ministir rejep tayip erdoghan'gha Uyghur doppisi teqdim qilghan. Türkiye bash ministiri rejep tayip erdoghanning bu Uyghur a'iliside élip barghan ziyariti heqqide tepsiliy melumat élish üchün Uyghur mehellisidiki Uyghurlar bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.