'Батурларниң көз йеши, ойған уйғур' романи вә рәссам нейимҗан әпәнди

Бу йил 8 - айниң 5 - күни японийидә абдурәһим өткүр әпәндиниң " из ", "ойғанған земин " намлиқ романлири асасида тәрҗимә қилинған, "батурларниң көз йеши, ойған уйғур " намлиқ китаб япон тилида нәшр қилинған иди.
Мухбиримиз миһрибан
2009-08-20
Share
Ressem-Neyim-Abdurehim-Otkur-Kitawi-305.jpg Сүрәт, өзиниң реалистик услубта, уйғур йуртлири һәм һайатини әкс әттүридиған бир қанчә парчә май бойақ әсәрлирини көргәзмигә қойған рәссам нәйим абдуреһим вә униң йапонийидә сизған "карван" намлиқ май бойақ рәсиминиң, абдурәһим өткүр әпәндиниң йапонийидә тәрҗимә қилинған, "батурларниң көз йеши, ойған уйғур " намлиқ китапқа муқава қилинған нусхисидин бир көрүнүш.
RFA Photo

Японийиниң мадука нәшрияти тәрипидин нәшр қилинған бу китабни, японийилик уйғур мәдәнийәт мутәхәссиси аюко азума ханим, уйғур һазирқи заман әдәбиятидики мәшһур әдиб абдурәһим өткүр әпәндиниң " из " вә " ойғанған земин" намлиқ 2 тарихи романи асасида тәрҗимә қилип тәйярлиған болуп, китабқа уйғур рәссами нейимҗан абдуреһимниң японийидә сизған "карван" намлиқ май бояқ рәсими муқава қилинип ишлитилгән.

Бу мунасивәт билән нейимҗан әпәнди билән сөһбәт елип бардуқ.

Өзиниң рәссамлиқ иҗадийити җәрянида асасий иҗадийитини "йипәк йоли" темисиға беғишлиған нейимҗан әпәнди, китабниң муқависиға ишлитилгән бу рәсимниң өзиниң японийидә нәшр қилинған йипәк йоли темисидики рәсимләр топлиминиң 25 - битики "карван" намлиқ май бояқ рәсими болуп, әйни чағда өзиниң бу рәсимни 1992 - йили өткүр әпәндини зиярәт қилған чеғида, өткүр әпәндиниң йипәк йолидики карван һәққидә бир рәсим сизиш тәклипи билән аридин 14 йил өткәндин кейин 2006 - йили японийидә магистирлиқ унвани учун сизилған рәсим икәнликини баян қилди.

Сөһбәт җәрянида нейимҗан әпәнди, китабқа муқава қилип ишлитилгән "карван " намлиқ май бояқ рәсимниң иҗат қилинишида абдурәһим өткүр әпәнди һәм униң "из" вә " ойғанған земин" намлиқ тарихи романлириниң түрткилик рол ойниғанлиқини тәкитлиди.

Сөһбәт ахирида, нейимҗан әпәнди өзиниң бундин кейинки иҗадийитидә асаслиқ иҗадийитини йәнила "йипәк йоли" вә уйғурлар турмушиға беғишлайдиғанлиқини баян қилди.

Төвәндә нейимҗан әпәнди билән елип барған сөһбәтниң тәпсилий мәзмунини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт