Sabiq xitay alahide saqchisi nijat abduréhim bilen söhbet

Süret, sabiq xitay alahide saqchisi nijat abduréhimning yawropada melum panaliq tilesh merkizidiki körünüshi.

Bolupmu uning wezipe ötewatqan mezgilde, ölüm jazasi ijra qilin'ghan mehbuslarning ichki ezalirini sughuruwélish weqesige shahit bolghanliqi heqqidiki sözliri xelq'aradiki alaqidar organlarning küchlük diqqitini tartmaqta.

Sabiq saqchi nijat abduréhim, 1998 ‏- yili xizmitidin istépa bergen. U bir qétimliq söhbet dawamida, hökümet tereptin mexpiyetlik dep qarilidighan bir weqe heqqide sözlep qoyghanliqi üchün, öz hayatiy bixeterlikidin endishige chüshken we wetendin ayrilishqa mejbur bolghan.

Nijat abduréhimning muhajiret sepiri japaliq bashlan'ghan. U hazirgha qeder norwégiye, italiye we shiwétsariyining siyasiy panahlan'ghuchilar lagérida kün ötküzgen. Ikki qétim chégradin chiqirilish xewpige duch kelgen. Xelq'ara kishilik hoquq teshkilatlirining jiddiy köngül bölüshi netijiside chégradin chiqirilish xewpidin saqlinip qalghan.

Nijat abduréhim xelq'aradiki alaqidar organlargha ashkarilighan melumatlar ichide, eng diqqetni tartqini ölüm jazasigha buyrulghan mehbuslarning ichki ezalirini sughuruwélish qilmishi we xitay türmisidiki qiyin - qistaqlar bolup, nijat abduréhim, adwokatining tewsiyisi boyiche, bu heqtiki melumatlar üstide hazirche tepsiliy toxtalmaydighanliqini, emma pat yéqinda, bu heqte bilidighanlirini axbarat sahesige tepsiliy ashkarilaydighanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.