Uyghurlardiki saqal we xitaylardiki endishe heqqide mulahize

Yéqinda radi'o anglighuchilirimizdin birining inkas qilishiche, ürümchining néfit ximiye zawuti we polat zawutidiki saqal - burut qoyghan we yaghliq artqan Uyghur ishchi - xizmetchilerning zawut qorusi we olturaq rayonidiki aptobuslargha chiqishi cheklen'gen. Ehwalni inkas qilghuchining bildürüshiche, bu tüzüm, bulturqi 5 ‏- iyul weqesidin kéyin, mezkur zawuttiki xitay ishchi-xizmetchilerning telipige bina'en yolgha qoyulghan.
Muxbirimiz shöhret hoshur
2010-12-09
Share
uyghur-saqal-305 Mesjittiki Uyghurlar 15-ötebir 2006 qeshqer
AFP

Ürümchi néfit ximiye zawuti 1975 ‏-yili qurulghan, uning qarmiqida ximiye zawuti we sulyaw zawuti qatarliq 19 tarmaq zawut we mulazimet shirkiti mewjut. Zawut sheherdin 20 kilométir yiraqliqta, zawutning kölimi 18 kwadrat kilométir bolup, zawutlar we séxlar arisidiki aptobus qatnishi zawuttiki ishchi - xizmetchilerning xizmet we turmushining muhim parchisi hésablinidu. Yéqinda radi'omizgha kelgen bir inkasta bu zawutta ishleydighan saqal - burut qoyghan we yaghliq artqan Uyghur ishchi - xizmetchilerning aptobusqa chiqishi cheklen'genliki bildürüldi

Mezkur uchurni éniqlap zawutqa téléfon qilghinimizda, zawut rehberliki so'allirimizgha jawab bérishni ret qildi. Zawuttiki Uyghur ishchi - xizmetchilermu bu heqtiki so'allargha jawab bérishtin özini qachurdi. Mezkur xewerning chinliqi ispatlanmighan bolsimu, Uyghur rayonida bolup ötken weqeler, mezkur xewerning chinliq éhtimalini küchlendürmekte.

Burun saqal - burut cheklimisi, qeshqer we turpan qatarliq jaylarda hökümet organlirida we mekteplerde yolgha qoyulghan. U chaghdiki bu xil yolgha qoyush, hökümetning pilanlishi we orunlashturushi bilen bolghan. Emma, bu qétim ürümchi néfit ximiye zawutida yolgha qoyulushi, zawuttiki xitay ishchi - xizmetchilerning telipige bina'en bolghan. Undaqta xitay xelqi néme üchün Uyghurlardiki saqal - buruttin bi'aramliq hés qilidu? mana bu nuqtini chöridigen halda, siyasiy közetküchi ilshat ependi bilen söhbet élip barduq. U " xelq'ara weziyetning we Uyghur rayonidiki siyasiy weziyetning tesiri bilen, xitaylar saqal - burutni diniy bir iradining we yaki milliy ghayining simwoli dep chüshinip qéliwatqan we mushu sewebtin bi'aram boluwatqan bolushi mumkinmu dégen so'alimizni jawab berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet