Сәбий балиларға сүний қериндашлиқ сиясити теңилмақта

5 - Июл үрүмчи вәқәсидин кейин, хитай даирилири вәқәниң қозғилиш сәвәбини гәрчә чәтәлләрдики бөлгүнчи күчләргә артиш арқилиқ өзиниң миллий сияситини қоғдашқа урунған болсиму, әмма вәқәдин кейин бейҗиңда ечилған шинҗаң хизмити йиғини вә униңда елинған бәзибир муһим қарарлар шундақла уйғур аптоном районлуқ һөкүмәтниң сабиқ баш секритари ваң лечуәнниң вәзипидин қалдурулуши һәмдә бәзибир тактика өзгәртишкә қарап илгириләшләр күзәткүчиләр тәрипидин хитай һөкүмитиниң миллий сияситидики хаталиқни етирап қилиши дәп мулаһизә қилинди.
Мухбиримиз ирадә
2010-07-27
Елхәт
Пикир
Share
Принт
Сүрәттә хитай сақчилири үрүмчидики милләтләр иттипақлиқини күйләйдиған бир тәшвиқат вивискиси түвидин өтмәктә
Сүрәттә хитай сақчилири үрүмчидики милләтләр иттипақлиқини күйләйдиған бир тәшвиқат вивискиси түвидин өтмәктә
Photo: RFA

Хитай даирилири үрүмчи вәқәсидин кейин бир қатар җиддий иқтисадий тәдбирләрни йолға қоюш билән бирликтә йәнә, идийә қурулушиниму чиң тутуп елип берип, уйғур районида "милләтләр иттипақлиқи" вә "үч айрилалмаслиқ" қатарлиқ шуарларни техиму күчәп тәшвиқ қилишқа башлиди. Хитай даирилири чоңларға қаратқан тәшвиқ биләнла чәклинип қалмай, яш - өсмүрләр арисидиму милләтләр иттипақлиқи тәрбийисини күчәйтип, уларда кичикидин башлапла милләтләр бир - биридин айрилалмаслиқ вә һәммә киши җуңхуа пуқраси дәйдиған идийини турғузуш хизмитини ишләшкә башлиған.

Шинхуа агентлиқиниң тарқатқан хәвиридин мәлум болушичә, уйғур аптоном районлуқ иттипақ комитети яш - өсмүрләр арисида бир милйон яш - өсмүрниң милләтләр иттипақлиқи бойичә "қолни қолға тутушуш" һәрикити вә шундақла " төт чүшәнчә бирлики" дәйдиған бир истратегийини түзүп чиққан. Игилинишичә, бу " төт чүшәнчә бирлики" дегәнлик һәр милләт яш - өсмүрлири арисидики чүшәнчә бирлики, хәнзу аилә башлиқлириниң аз санлиқ милләт яш - өсмүрлиригә болған чүшәнчә бирлики, һәр милләт яш - өсмүрлириниң ата - анилири арисидики өз - ара чүшәнчә бирлики дегәнлик икән.

Хәвәрдин мәлум болушичә, юқиридики шуарларға бинаән җәнубий уйғур районидин 5000 нәпәр аз санлиқ милләт өсмүрлири билән үрүмчи вә санҗида олтурушлуқ 5000 миң нәпәр хитай өсмүрлири арисида айда икки парчә салам хәт йезишиш, һәптидә бир қетим телефонда сөзлишиш бәлгиләп берилгән.

Биз бу һәқтә мәлумат елиш үчүн қәшқәрниң мәлум бир наһийисигә телефон қилип, бир уйғур қиз билән нөвәттики вәзийәт һәққидә сөһбәт елип бардуқ. Төвәндә сөһбитимизниң бир қисим йәрлирини силәр билән ортақлашмақчи. У биздин өзиниң исми вә ениқ орнини ашкарилимаслиқимизни тәләп қилди.

Һөрмәтлик радио аңлиғучилар, силәр юқирида аңлиғандәк телефонимизға чиққан бу қиз уйғур хәлқиниң һәқиқий арзусиниң вә көңлидин кәчкәнләрни бәлким шу ахирқи сөзи билән бизгә йиғинчақлап бәргән болса керәк. Йәни көзәткүчиләрниң ейтқинидәк, уйғур районидики миллий зиддийәт қандақту милләтләр иттипақлиқи тәрбийиси билән әмәс, бәлки аптономийә қанунида бәлгиләнгәнләрни әйнән иҗра қилиш вә уйғурларниң мәдәний, диний һәқ - һоқуқлириға һәқиқий түрдә һөрмәт қилиш билән һәл болиду.

юқиридики улиништин бу прогирамминиң тәпсилатини аңлиғайсиләр.
Пикирләр (0)
Share
Толуқ бәт