Sersanliq hayat we Uyghurlar

Insanlar mejbur bolmisa, éhtiyaj hés qilmisa öz yurtidin ayrilishni xalimaydu. Uyghurlarning esli yurti ishghal astidiki Uyghur éli bolsimu, biraq, urush, ishghaliyet, bésim, zulum we naheqchilikler sewebidin köp sandiki Uyghurlar özlirining ana wetinidin ayrilip dunyaning her qaysi jaylirida muhajirette yashimaqta.

Chet'ellerde sersanliq ichide yashaydighanlar üchün ipadilinidighan “Di'aspora” dégen bir atalghu bar, bu atalghu toghrisida Uyghur ziyaliy doktor tash muhemmed öz qarishini otturigha qoydi. Uning qarishiche, bu atalghuning esli menisi grék tilida, “Uruq chéchish” dégen menini ipadileydu. Emma di'aspora dégen söz hazir öz yurtidin ayrilip özgiler yurtida yashawatqan köchmenlerning sersan halitini körsitidu.

Bu atalghu yehudiylarning sersanliq hayatini körsitidu, lékin bu atalghu bügünki künde öz wetinidin ayrilip chet'ellerde yashawatqan bashqa xelqler üchünmu qollinip kelmekte.

Uyghurlarning sersanliq hayati qandaq? assimilyatsiye bolup kétish xewpi barmu? bu so'allarning jawabigha érishish üchün, Uyghurlarning sersanliq hayati toghrisida tetqiqat élip bériwatqan Uyghur tetqiqatchi doktor tash muhemmed ependining pikir-qarashlirigha diqqet béreyli.