Se'udi erebistanida Uyghurlar tonushturuldi

Se'udi erebistanida ramzan munasiwiti bilen uyushturulghan kéchilik pa'aliyitide Uyghurlarning hazirqi weziyiti tepsiliy tonushturuldi.
Ixtiyariy muxbirimiz ömerjan
2012-08-06
Share
seudi-jidde-ramzan-305.jpg Ramzan munasiwiti bilen uyushturulghan kéchilik pa'aliyitide Uyghurlarning hazirqi weziyiti tepsiliy tonushturuldi. 2012-Yili 2-awghust, se'udi.
RFA/Omerjan

Se'udi erebistanidiki baylardin merhum abdughufur eminning oghli emin abdughufur hajim her yili ramzan éyi munasiwiti bilen ramzan kéchilirining biride dunyaning her qaysi jayliridin kelgen alim we mutepekkurlarni öz öyige chaqirip ziyapet bérish we shu purset bilen Uyghurlarni we Uyghurlarning ana wetinini tonushturush pa'aliyitini yolgha qoyghan bolup, bir qanche on yildin biri bu pa'aliyet mushundaq dawam qilip kelmekte.

2012-Yili 2-awghust küni ötküzülgen kéchilik pa'aliyitide, istanbuldiki “Sherqiy türkistan ma'arip we hemkarliq jem'iyiti” ning qurghuchisi tonulghan alim abdulhekim mexsum nutuq sözlidi.

Abdulhekim mexsum nutqida özini tonushturghandin kéyin, mundaq dédi: “Qedirlik jama'et men sözümni uzatmaymen, sherqiy türkistanni siler yaxshi bilisiler. Hazir pelestinde boluwatqanlar sherqiy türkistandikisidin nechche ming hesse yaxshi. Pelestinde bolghanlarni siler anglap turisiler, emma türkistanda bolghanlirini anglimaysiler we körmeysiler. U jayda din oqughanliqi we qur'an ögen'genliki seweblik yash balilar türmilerge tashliniwatidu.

Yashlirimizda islamgha bolghan qiziqish nahayiti zor boluwatidu. Emma, hökümet da'iriliri uninggha yol qoymaydu. Kadirlarning we oqughuchilarning namaz oqushi we roza tutushini men'i qilghan. Xelqimiz shundaq qiyinchiliq ichide öz eqidisini saqlap kelmekte we mundin kéyinmu choqum saqlashqa tirishidu. Silerdin soraydighinimiz shuki, bu ulugh ramzan kéchiliridiki du'a ijabet bolidighan sa'etlerde xelqimiz üchün du'a qilishinglarni soraymiz.”

Pa'aliyetke ishtirak qilghanlar abdulhekim mexsumning nutqini köngül qoyup anglidi. Nutuq axirlashqandin kéyin, jama'et hemme birlikte “Allahu ekber” déyishti. Bu ularning nutuqtin tesirlinip, Uyghurlarning ehwaligha échiniwatqanliqining bir ipadisi idi. Shuningdin kéyin, olturghanlardin her biri abdulhekim mexsum hajimni otturigha éliwélip, uningdin Uyghurlar we Uyghurlarning ana wetini heqqide köp melumatlarni aldi. Andin Uyghurlar üchün hésdashliq qilidighanliqini we qolidin kelgenche diniy qérindashliq burchini ada qilishqa tirishidighanliqini bildürüshti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet