سەئۇدى ئەرەبىستانىدىكى ئۇيغۇرلارنىڭ مىللىي بۇرچى ھەققىدە

ھەممىگە مەلۇمكى، ھەر قانداق ئىنسان ھەر ۋاقىت تەربىيىگە ۋە نەسىھەتكە مۇھتاج. بىر ھەدىستە:«دىن نەسىھەتتۇر»دەپ كەلگەن. شۇڭا بىز ھەر ۋاقىت چوڭلارنىڭ ۋە ئۇستازلارنىڭ نەسىھىتىگە مۇھتاجمىز. يېقىندا تۈركىيىدىكى«مائارىپ ۋە ھەمكارلىق جەمئىيىتى»نىڭ قۇرغۇچىسى ئابدۇلھېكىم مەخسۇم ھاجىم سەئۇدى ئەرەبىستانىدا زىيارەتتە بولغان پۇرسىتىدىن پايدىلىنىپ، سەئۇدى ئەرەبىستانىدىكى ئۇيغۇر ياشلىرىغا نەسىھىتىنى قىلغان.
ئىختىيارى مۇخبىرىمىز ئۆمەرجان
2012.09.28
seudi-erebistan-uyghur-abdulhekim-mexsum-305.png ئابدۇلھېكىم مەخسۇم ھاجىم سەئۇدى ئەرەبىستانىدا زىيارىتىدە
RFA/Omerjan


مەخسۇم ھاجىم تەكلىپىمىزگە ئاساسەن، سەئۇدى ئەرەبىستانىدىكى بارلىق ئۇيغۇرلارغا خىتاب قىلغان ھالدا، نەسىھىتىنى باشلاپ ئانا ۋەتەننى ۋە ئۇيغۇر تىلىنى ئۇنۇتماسلىقتىن ئىبارەت ئىككى مۇھىم نوقتىنى چۆرىدىگەن ھالدا، ناھايىتى ياخشى ۋەز - نەسىھەت قىلىپ بەردى. مەخسۇم ھاجىمنىڭ ئېيتىشىچە، پەيغەمبەر ئەلەيھىسسالام بىر ھەدىستە:«مۇسۇلمانلارنىڭ ئىشىغا كۆڭۈل بۆلمىگەن ئادەم مۇسۇلمانلاردىن ئەمەس» دېگەن. بۇنىڭغا بىنائەن، ئۇيغۇرلارنىڭ ئۆزلىرىنىڭ ئانا ۋەتىنىنىڭ ئەھۋالىغا كۆڭۈل بۆلۈشىنىڭ زۆرۈرلۈكى ۋە ئۆز ئانا تىلىنى ئۆگىنىشىنىڭ مۇھىملىقى ئەڭ ئالدىنقى ئورۇندا تۇرىدۇ.

يۇقىرىدىكى ئۇلىنىش ئارقىلىق بۇ پروگراممىنىڭ تەپسىلاتىنى ئاڭلايسىلەر.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.