23 Milyon dollar qimmitidiki zémin Uyghurlargha qayturup bérildi

19-Esirde Uyghur élidin se'udi erebistan'gha barghan polat haji ependi, buningdin 130 yil ilgiri saldurghan wexpe zéminini polat haji ependi wexpi namida qaytidin tizimgha élin'ghan.
Ixtiyariy muxbirimiz erkin tarim
2011-10-31
Share
seudi-uyghur-wexpe-zimini-testiq-qeghez-305.jpg 1880-Yili se'udi erebistanda qurulghan Uyghur wexpining 810 kwadrat métir zéminning testiq qeghizi.
RFA/Erkin Tarim

19-Esirde Uyghur élidin se'udi erebistan'gha barghan polat hajining mekke shehiridiki kebining yénigha buningdin 130 yil ilgiri saldurghan wexpe zéminini qayturup élish üchün uning newriliri se'udi erebistan sot mehkimisige erz qilghan bolup, netijide, bu zémin polat haji ependi wexpi namida qaytidin tizimgha élin'ghan. Sot mehkimisi polat hajining newrilirining teleplirini toghra we orunluq dep qaridi we 23 milyon amérika dolliri qimmitidiki 810 kwadrat métirliq zéminni polat hajining newrilirige qayturup bérish toghrisida höküm chiqardi.

seudi-uyghur-wexpe-zimini-testiq-qeghez-turkche-385.jpg
1880-Yili se'udi erebistanda qurulghan Uyghur wexpining 810 kwadrat métir zéminning testiq qeghizining türkche terjimisi.
RFA/Erkin Tarim

Türkiyidiki eng chong gézitlerdin biri bolghan "Sabah" gézitining 25‏-öktebirdiki sanidiki xewerde, 1880-yili hej qilish üchün mekkige barghan sherqiy türkistanliq sodiger polat haji, mekkide kebige 150 métir kélidighan bir binani sétiwalghan we bu binani haji polat ependi wexpi nami astida sherqiy türkistanliq hajilar üchün méhmanxanigha özgertken. Hej we ömre üchün türkistandin kelgen hajilargha xizmet qilghan bu méhmanxana, osmanli dölitining emeldarliri teripidinmu wexpe méli dep testiqlan'ghan. Wexpige sultan mexmutning oghli sultan se'idxanni wekil qilip teyinligen. Bu méhmanxana 1950-yili étilip qalghan. Kommunistlar Uyghur élide hakimiyetni igiligendin kéyin Uyghurlar bir mezgil hej qilishqa kélelmigechke bu méhmanxana bosh qalghan. Bina 1981-yili mekke sheherlik hökümet teripidin chéqilip mashina toxtitish ornigha aylandurulghan.

"Sabah" gézitide élan qilin'ghan xewerde zéminning qayturulushigha a'it qararning ijra qilinishi üchün mekke sheherlik hökümetke ewetilgenliki, emma bu mesilining hazirghiche hel qilinmighanliqi yézilghan. Se'udi erebistan sot mehkimisi teripidin élin'ghan bu qarar bir yildin buyan ijra qilinmastin tashlap qoyulghan. Bu mesile toghrisida muxbirgha melumat bergen polat hajining newrisi tel'et öztürk ependi, "Biz wexpini yéngidin qurup, türk dunyasi hajiliri üchün xizmet qilidighan yéngi bir méhmanxana sélishni oylishiwatimiz", dégen.

Tel'et öztürk zéminni qayturup élish üchün üch xil teklipni otturigha qoyghan. Bulardin biri kebining yénidiki zéminning qaytidin yasilishi, ikkinchisi oxshash qimmette bashqa bir orundin zémin bérishi, üchinchisi shu qimmette tölem tölep bérishidin ibaret.

Biz bu heqte toluq melumatqa érishish üchün bu wexpining qanuni ishlirini béjiriwatqan q sherqiy türkistan wexpining sabiq bash katipi hamut köktürk ependi bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet